比較所謂何事？
近日掀起比較英港牛油價格嘅熱潮，唔知道內情嘅仲以爲牛油比Boris Johnson辭職一事對世界影響更大。世上無完美樂土，收入以及開支亦大有不同，點比較？要全盤比較就要睇埋最低工資收入人口及平均收入數據、貧富懸殊等，咁多嘢比較點解唔比較埋utilities呢？之前price cap升咗咁多唔係叫晒救命？點解而家又話英國好過香港好多？
英國貴過香港乜乜乜嘅例子多不勝數，反之亦然。日本食品如壽司或香港食品如維他奶或芥蘭菜心英國肯定貴過香港；亦見過圍爐谷網友屯積食米，屋企總要堆砌超過五十公斤嘅白米，米漲價對該網友一定有極大影響，但對於我一個月都未必煮一次飯嘅人無關痛癢。
圖入面嘅Viennetta雪糕朕記憶中買過無數次黃label £1一盒，通脹令同一件貨升咗25%又唔講？Heinz同Tesco因爲食品價格上升導致上架問題被Tesco威嚇唔再stock Heinz產品，又唔講？住倫敦嘅香港人最高興最樂意見到tube將會有4G/5G訊號，又唔講？
有時間不如睇吓本地新聞啦。
Tesco and Heinz reach agreement in price row: https://www.bbc.co.uk/news/business-62076208.amp
Highspeed internet coming to the London Underground and Elizabeth line - and it will even work in the tunnels: https://www.mylondon.news/news/highspeed-internet-coming-london-underground-24431281
