『淺談打疫苗針』 #罕有嚴肅文
截至尋日，英國UK嘅全民武肺疫苗接種率約55.2%，當中37.78 million嘅人已接種兩劑。 #朕係唔鐘意講萬鍾意講幾百千幾百k幾多mill你吹咩
朕打咗兩針Pfizer，症狀甚輕，只係少少攰同幾日手臂痛。唔少香港人爭拗防疫針應該打還是唔打，打咗好似只係方便去旅行，口罩仍然要戴，咁打嚟做乜，加上香港人非常相信及支持嘅特區政府呼籲打而不少藍人信服及支持嘅某藥廠疫苗只有稍高於50%嘅efficacy，多重壓力及未知因素下令唔少香港人決定：唔打！
任何人都有選擇打與唔打嘅自由，如果你人在英國而NHS提供機會俾你打，朕嘅建議係：一定打！
打完都仲繼續戴口罩打嚟做乜？無任何疫苗係100%有效，跟任何包括每年都會打嘅流感疫苗一樣，有減輕症狀之用；喺武肺病毒對不同年齡、性別、種族及長期病患者反應不一嘅情況下 #除非你已經中過咁你自己知，那怕只有一半機會減輕中病毒嘅嚴重症狀，已經唔錯。打咗唔代表你唔會帶病毒，負責任嘅人喺未知自己有否帶病毒或已帶病毒但未有症狀（asymptomatic）嘅情況下，戴口罩係對自己、身邊朋友家人及公眾負責任，斷唔會有人樂見自己帶病毒而導致身邊人死亡啩。
就喺尋日美國公佈由八月二號開始，所有已接種兩劑疫苗嘅美國及歐洲國民入境無須隔離。歐盟六月初公佈數個歐盟成員國推行Covid-19 Vaccine Passport，更於七月初公佈擴展至所有歐盟成員國。
睇返本土，英格蘭（England）亦有推出類似政策。NHS亦推出Covid Pass（或傳媒口中嘅Vaccine Passport），分Domestic及Travel兩種，進入某些本土大型活動或室内場所可能需要提供Covid Pass作證明，圖中詳盡解釋如何獲取Covid Pass，而接種兩劑疫苗後，Travel一項亦會顯示兩劑疫苗嘅QR code，詳情請以智能手機登入NHS app查看。
所有以上嘅防疫政策建基於疫苗普及率及病毒測試。請唔好好似圖中人士一樣，以為中過武肺就自動永續抗體同『唔駛打疫苗去旅行』。朕身邊唔少朋友中完一次又一次，而且第二次症狀比第一次嚴重。唔打針可唔可以自由遊走各國？唔係唔得，中到six feet under塵歸塵土歸土，成個地球落到十八層都係你玩晒。
傳送門：https://www.facebook.com/bno9upper/posts/338581904598363
