#網友匿名投稿 是咁的，我有居英權亦即係啲人所講嘅BC。由於2019同2020年喺香港發生咗好多事，終於喺上年年底去英國「轉換新環境」。 1. 而我出發前已經喺網上報定British Army Reserve，抵達英國後當然要準備做medical同面試。意味住我除咗準備應試外要儘快搵屋、申請銀行戶口、NHS、電話號碼etc. 中間完全係靠自己，有唔明嘅打電話去問，甚至自己親自踩上門。就算更麻煩都要行/搭車成個鐘親自去，當年老華僑都係咁捱過來。 2. 經過幾番波折後我終於入到軍隊。啲訓練physically唔算難，但mentally好攞命，並唔係啲移民谷講到咁輕鬆。香港人係勤力啊，但試問有幾多個忍到用50人屙過屎嘅流動廁所？幾多人忍受到沖涼係冇間隔，個個都望到你亞裔嘅短JJ？又幾多個可以忍到成個weekend嘅訓練不停落雨、氣溫得0至5°C成身濕晒，跟住野外瞓覺要喺一塊仔basha下面？香港人剩係唔戴口罩一點已經屌晒老母。 3. 冇錯我係呢度公民，但有嘅就係公民權利，即係考公務員、選舉與被選、代表英國參賽等，但唔等於有國民福利，除非喺度做咗幾年Full Time或者讀3年書交international fee。BC唯一比BNO多嘅福利就只係免費NHS, thats all。即係話我哋待遇嘅唔同就只係每年幾千嘅NHS費用，所以我見啲伸手黨要更多福利我就一把火，佢哋憑乜？大佬，英政府都出咗£43m俾港人啦。 如果問我有冇用過公民嘅好處？有嘅，我當日因某啲原因離港離得好急，身上又得千零港紙，抵達時間好夜，所以剛到步第一日嚟唔切搵地方住，搞到要瞓街（BNO人士要有合法居住地址，而BC唔駛，我鍾意喺野外紮營瞓幾多日都冇限制）。最後係有個住附近嘅非洲人見到我好辛苦咁，幫我搵咗個landlord俾個竇我settle住先，仲借住少少錢俾我頂住，咁事後我都有俾返錢佢嘅。 大把人初報到係慘撚過我，所以我感恩自己遇上貴人救咗我。所以我每次見啲中產拎幾百粒移民話自己「走難」，叫我情何以堪？ 全文：https://www.facebook.com/bno9upper/posts/347080247081862 339 viewsedited 08:47
