2020年7月前BNO visa尚未公佈，當時大部份人唔會諗移民，諗過但唔走嘅原因不外乎儲蓄唔足夠、家人/父母唔想走、工作收入穩定及從朋友得知嘅移民弊端，等，BNO visa公佈後以上嘅原因並無因此消失。
當BNO visa公佈後，『走/離開』就變成對部份人嘅preferred option，『無眼屎乾淨盲』對唔少人係一個非常容易做嘅決定，令唔走嘅原因看似一瞬間一掃而空，換來嘅解釋好簡單：爲小朋友讀書環境著想（唔想小朋友捱國教被洗腦）、對自己將來打算認爲再承受唔起香港政治環境嘅進一步惡化、換一個新環境希望自己開心啲，等等。
以上走與唔走嘅原因都好合理，可以換一個好嘅環境對自己同家人嘅將來有個好嘅保障，邊個唔想呢？
同朋友間研究移民問題時候，可以體恤對方多一啲，畢竟留低面對香港呢個高壓嘅環境，唔係一個容易嘅option。
- 『好多人話自己無錢走唔到，但佢自己有層樓』：香港人窮盡一生光陰，就係供樓，你要朋友一下子放棄呢個入咗血嘅大原則，換成錢去移民，你有勇氣肯犠牲去做唔代表你朋友可以，點解唔可以尊重？
- 『佢連英國消費物價水平，幾錢税自己都唔知，已經話自己無錢去』：唔少已經落咗地嘅BNO移民仍然唔清楚物價同税制，唔係點解有咁多『Oh my god好撚平啊』超市特攻隊拍片柒出國際呢？唔係點解有咁多對水電煤開支嘅投訴呢？反過來以同樣邏輯，呢班人準備唔充足係咪好唔應該移民呢？
- 『口講追求民主自由，要佢冒險，佢就寧願做返奴隷』：由幾時開始移民同追求民主自由劃上等號？2019年香港發生嘅事唔係追求民主自由咩？當時無人討論移民㗎喎，講呢句説話嘅人有無曾經上街遊行爭取訴求呢？
- 『自由係要付出代價』：點解要嬲呢句説話？自由點解唔需要付出代價？係唔係留低就唔會有代價？或者對於部份對反送中運動完全無付出過嘅freerider呢個BNO visa來得非常容易，就好似天跌落嚟一樣。#黃衞兵話留低就係出賣靈魂賺共產黨錢嘅代價 #移民可以解決一切問題
#移民問題一律建議走咗先算 #香港人頂天立地 #香港人能屈能伸 #而家唔走幾時走 #留低就無命 #留有用之軀 #打國際線 #只要有心 #放低身段 #有手有腳 #肯捱肯做 #靠自己雙手唔會有問題 #一定唔會餓死 #我得您都可以 #上一代移民唔識英文都得 #爲咗下一代一定要捱落去 #最重要肯行出第一步 #而家係走難理唔到咁多 #家家有本難唸的經 #谷友話得就得 #錦鯉有乜高見
