#手捉投稿 #自發悼念 【悼念百里居老闆Barry獻花行動】 中環黃店“百里居”老闆喺日前過咗身，死因未確認，目前懷擬與病患有關 佢生前做過好多嘢幫助手足共渡時艱，包括派水、提供優惠等，亦為辛苦抗疫嘅醫護人員提供餐飲上嘅便利 為咗紀念佢，希望大家可以喺星期二 lunch / dinner time到餐廳附近嘅公共空間獻花 紀念已去世嘅老闆Barry Wong 日期：8.12.2020 (二) 時間：Lunch / Dinner Time (大家工餘時間得閒就可以去) 獻花地點：中環九如坊兒童遊樂場大樹下 雖然唔肯定餐廳當日恢復營業未，但為咗唔好影響到間嘢運作，獻花行動嘅地點已被安排喺餐廳斜對面嘅兒童遊樂場 (1分鐘路程) 嘅大樹下自行獻花，以表達對Barry嘅思念 大家可以喺放Lunch/放工後嘅私人時間去 另外，悼念同獻花係屬豁免嘅羣組聚集 (599G章附表1：該等場合包括在先人離世的地點附近，或在其蒙受致命傷害的事發地點附近，為哀悼先人離世而舉行的祭祀或儀式)，原則上唔會違法，請有意悼念者放心 但仍請小心有個别執法人員不依法例行事，喺現場為難大家 感激不盡 願老闆安息 3.8K views15:30
