今日想講一個concept叫可證偽性。（本來想係David kit講，不過放棄 | 跟著L去賺錢

今日想講一個concept叫可證偽性。（本來想係David kit講，不過放棄左寫）
如果一個主張是可否證的，則至少在理論上存在一種觀測的方法（即使實際上沒有進行這項觀測也無妨），來表明這個主張不符合重言式的標準（即這個主張不總是真的）。...例如「所有的天鵝全都是白色的」這個主張可以被「存在黑色天鵝」的觀測否證，雖然這個觀測並不一定會發生。一個可否證的命題必須定義某些被禁止的情形。例如，在這個例子中，「所有的天鵝全都是白色的」這個主張禁止了「黑天鵝」的存在。由於理論上可能存在「觀測到黑色天鵝」這個反例，「所有的天鵝全都是白色的」這個主張是可否證的。
舉多一個例子：飛天意粉教。飛天意粉怪怪物信仰的中心教義認為，一個不可見，且不可感知的「飛行着的意大利麵條怪物」在「一次嚴重的酗酒後」，創造了整個宇宙。飛天意粉怪係唔係存在？呢件事係「不可證偽」， 因為佢係不可見，不可感知。佢可能確實存在，亦可能確實唔存在。宗教同偽科學大部份內容都係「不可證偽」。
去到Trading都係一樣，好多時一啲財演既「預言」都係不可或者難以證偽。比如話「就嚟大跌！」，但遲左一個月都走出嚟打飛機「都話左會跌！」。呢啲預言對實際操作冇幫助甚至有害。要否定「就嚟大跌」，必須加入「幾時」「跌幾多」呢啲元素，否則只係不可證偽既「廢言」。
其實Trading有個好處就係非常容易證偽：輸錢即錯。如果你話「就嚟大跌！」，咁請問係唔係要做空？止損係邊？ 目標價係幾多，跌幾多先叫大跌？幾耐唔跌代表錯，要離場？整個Trade Plan出左嚟之後，贏錢=中，輸錢=錯，其實你係唔需要白費唇舌做預言。
大家必須養成一個習慣去看待一啲「意見」。當財演聲稱「$50有支持」。咁你第一個想法係，呢個貼士應該構成一個點樣既trade? 擺$50 limit buy order，咩timeframe之下反彈先叫彈？止損，目標價係邊？如果觸及止損，咁其實已經錯左：$50並無支持。（然後你發現止損之後反彈，該財演繼續打飛機話自己好準。）