夜媽媽想講下心事 其實我地離開左咁耐呢，我地真係好唔想理你地依 | 老豆搵仔

夜媽媽想講下心事

其實我地離開左咁耐呢，我地真係好唔想理你地依班人係到內鬥，我地其實唔想參與你地啲紛爭，我日日開工，紅日都要開都算，唔知點解硬係好似好多野都關我地事，放工番到屋企，仲要澄清依樣，解釋果樣，我地唔係你地咁撚得閒，係到搞埋啲是是非非，三日唔埋又出個story係到放下負，但又唔係得你地有負面情緒。

有好撚多人以為我地網店生意好好，我可以話你地知，我地唔係，可能團長之前有講過話網店同實體店會照顧到我地其他人既生活費，但可能佢講得唔夠詳細，佢意思係情況許可的話就幫補一下係其他成員既生活費，其實網店唔係賺到好多錢。

我地亦都無你地所謂既金主，家長去長期資助我地，好多朋友一開頭都唔相信，但我可以好肯定話你地知，我地真係無，我係澳洲咁耐，除左某組織一個月有400蚊既gift card之外，我真係搞唔掂既時候都係問人借。我原本計劃左打算係到讀書，我地之前都多次提及到籌錢依樣野，但其實唔係話你想籌就有，中間有好多程序，令到我地一直都未籌到學費同一部分既生活費，所以我就算考完個入學試，我都係要暫停學業，依家番工維持生活先。我加拿大個兄弟其實到依家仲未有學費。

我唔知我地屠龍依個名得罪左你地啲乜，每次我一睇到就覺得好撚煩，我自己番工搵到錢，買隻game都好似又驚依樣又驚果樣咁，班人就日日係度講，「岩既你地出名啲，係大把金主」，唔該你地唔好將你地想做/做緊既野強加落我地身上面，你地有時間日日係度放負，不如諗下點樣可以做好啲啦，其實唔係得你地難捱，我無你地咁本事可以哄到家長買車，供你地讀書。

我純粹只係想同番大家講，我地唔係你地睇到咁風光，我地都好撚折墮，我地唔係唔洗做就無啦啦有錢，我地唔撚識你地果啲語言藝術，同埋我唔鐘意同你地鬥黃鬥邊個做得野多，我地淨係想做好自己，讀完個書正正常常生活，做好自己先可以做到更多既野，或者之後可能我地都改變唔到啲咩，但總好過你班人日日係到放負，係到叫春。

點都好，你地再叫春，再放負我都打算唔會再理你班人。你地要係度ff我地有好撚多錢有好多金主既，我亦唔會再理。我本人就唔撚鐘意係人背後講是講非，唔妥我地既，得罪你地既直接聯絡我tg @ttgod23 ,我地只係想平平靜靜。

By Edward