點解要不斷追擊David？因為佢正正代表咗大部分「抗爭者」嘅心態。 | 黎明行動

點解要不斷追擊David？因為佢正正代表咗大部分「抗爭者」嘅心態。

唔係話佢冇做嘢，但係當有唔少聲音都認為佢覺得自己做嘢嘅方式冇問題，佢都覺得冇問題，呢個先至係問題。

「兄弟爬山」應用喺抗爭時，要認清邊個係「兄弟」。

每一個抗爭緊嘅香港人都有唔同理念、目標，莫非意見分歧就係「分化」？「健康嘅社會唔應該只有單一種聲音」除咗適用於「藍」、「黃」之間，亦都apply喺睇緊呢篇文章、期望進化嘅每一個你哋。（事實上，我個人認為強行將擁有唔同政見嘅人強行歸類成兩隻顏色都係一件冇意義嘅事。）

梁天琦曾經講過：政治的工作不只是要令支持自己的人繼續支持自己，而更是要令不支持自己的人轉為支持自己，改變想法，認同自己的方向。

罵戰只會令到大家嘅睇法更加兩極，但唔係又撻嗰「三不」嘅口號去掩蓋問題。David只係呢場革命/運動其中一個小人物，我哋仲有好長嘅路一齊要行。

最後，唔該唔好再因為David嘅年紀縱容佢犯嘅錯誤。筆者細過佢，我都好清楚自己做緊咩，年齡從來都唔係藉口。