重光團隊呼籲民主國家拒絕承認二零二一年香港立法會選舉結果
喺十二月十九日（星期日）舉行嘅二零二一年香港立法會換屆選舉將會係北京政權強行於香港推行《國安法》同竄改香港成個選舉制度後首次舉行嘅所謂選舉。
繼今年一月港共政權大規模搜捕曾參與民主派初選嘅非建制派人士，試圖滅絕所有反抗聲音後，中共政權再強行竄改香港選舉制度，肆意引入荒謬絕倫嘅「愛國者治港」歪理。新制度揭開香港民主自由嘅遮醜布，直選議席大幅減少，更設立「候選人資格審查委員會」，全方位操控選舉，同中共式「民主」睇齊。
重光團隊認為今次選舉所有結果均不可以承認。
中共所策劃嘅選舉唔符合國際標準，唔公平，唔公開。而家香港亦再無任何機制同方法去檢視選舉有否出現舞弊情況。原本有意參選嘅非建制派人士唔係俾人DQ就係被捕、被囚禁同被逼流亡。
因此，重光團隊現正呼籲各民主國家政府和議會，拒絕承認今次立法會選舉結果。只有拒絕承認中共所操控嘅選舉，拒絕給予任何認受性，先可以向極權發出一個重要信息：國際民主陣營唔會對中共撕毀中英聯合聲明同埋破壞對香港嘅承諾視而不見。
英文聲明：https://bit.ly/3IYwgyj
————————
Fight for Freedom. Stand with Hong Kong.
重光團隊 Twitter: twitter.com/stand_with_hk
Facebook: facebook.com/standwithhk
Instagram: instagram.com/standwithhk_
Website: standwithhk.org
Telegram: t.me/FFFSWHK20
