其實呢件事就無乜公共性嘅，不過當係畀大家睇吓近年仲參選 #TVB小姐 嘅係啲咩人。Just in case你哋淨係想知呢個人有咩廣告，我講定先：Casetify、支付寶、To Be Wed婚紗店。
▌#陳楨怡(Celina)係2020年 #TVB 小姐亞軍，佢上個月被指一腳踏兩船，一個係拍咗4年嘅圈外人，一個係拍咗年半嘅商人 #周子揚，當記者向陳楨怡查詢嘅時候，陳就表示自己係單身，事件令周子揚好不滿，不斷公開自己同陳楨怡拍拖嘅證據，又透露對方選完TVB小姐之後急於上位，甚至到達走火入魔嘅地步，同期更有報道指，陳楨怡不但妒忌同屆TVB小姐先後入劇組，更要求周子揚介紹中国導演監製畀佢識，等佢可以北上發展。因為傳媒嘅連番報道，陳楨怡潛咗水大約一個月。
▌直至早幾日陳楨怡喺IG上水，周子揚又再「狙擊」陳楨怡，向《香港01》大吐苦水，直斥陳楨怡係個虛偽嘅人，又借啲意爆佢又要食煙又要扮白雪公主，仲公開雙方嘅WeChat對話，內容大致上就係好多嘅「爱你」、「baby」、「muah」之類。以下係佢寫畀陳楨怡嘅公開信：
「或許在你的角度，我只是你的普通朋友。但在我的真實情況，我們確實是相戀一年半發生親密關係的男女朋友。我對待這段感情非常認真，抱着長遠發展的關係，所以你對我的要求，我都是全力以赴的付出。
或許你有很多我這種所謂的普通朋友圍着你，所以你不承認我，去保住你永遠白雪公主的仙女形象。
正如你跟我說『拍拖，只需要我同你知道就可以了』我一直相信你，一年半的深厚感情，原來只有一句冷漠的『普通朋友』去交代。我真的不能承受這麼多，其實我只想尋找一段簡單的愛情。
正如你是長期吸煙者，你也不會讓TVB公司知道，因為你要做完美的港姐，永遠的乖乖女，你還教我去食煙，要求我幫你去買煙。我希望大家可以真誠地對待我們的珍貴的感情，做返真實的自己啦。
為了這段感情 我們可以沒有正常的拍拖生活：
不見朋友 不見家人 不讓人知道 不讓TVB公司知道 不讓媒體知道 甚至你要求我跟媒體說我不是你男朋友，但我真的做不到，你已經欺騙了我很多了，我再不能配合你去欺騙全世界。」
▌2020年呢屆TVB小姐認真多是非，大家可以做個簡單回顧：
#廖慧儀 被指暗撻另一TVB藝人孔德賢，令前男友情困自殺，兩人否認有染；
#麥詩晴 被指整爛婚紗店借返嚟嘅裙，仲唔肯賠錢，事主否認事件；
#黃婉恩 被指向餐廳R食免費Tea，Post個Story就當還人情。
