重要！香港人真係唔可以再退！ 港共溫水煮蛙嘅招式大家好似已經「習以為常」，明知港共賤招只會一招接一招，大家口裡說不身體卻很誠實，都係會再一退讓，好天真咁以為港共會就此收手。但其實有無諗過今日佢對付你，見你會容忍唔為自己反抗，聽日佢就轉個目標，因為佢哋知道你哋連自己嘅權益都唔挺身捍衛，又點會團結咁去幫其他人，所以今時今日佢哋先可以繼續肆無忌憚咁用荒謬極至嘅手段去打壓香港人。 港共一招一招嘅背後都係想全香港變得服服從從、聽教聽話，唔好再有任何反抗思想。前幾日先對教協落手，今日就派譚耀宗勸教協「重回正軌，唔好再好似以前咁搞政治」[1]，表面上同你講只要跪就會無事，但港共會就此收手咩？跪咗，教協可以日後平安咩？我相信無一個香港人可以100%咁講得岀。因為種種例子已經放喺我哋眼前，睇返近排港大學生會就知係無可能，跪完一次又一次，到最後都係未被人告就已經出唔到境[2]。 公務員亦喺一個好嘅案例，年頭全體公務員必須宣誓效忠港共，新公務員工會宣佈解散，只有129人拒絕簽署聲明，而家港共又有新手段對付本身跪咗嘅公務員，要求佢哋打疫苗否則要自費檢測[3]。再一次同我哋講其實跪係唔會換嚟平安，咁點解我哋仲要心存僥倖，將自己生命咁被動咁交比港共去控制，等待清算？自己嘅命運應該要自己掌控，我哋應該要自救唔係咩？ 喺對抗極權嘅暴行時，無人可以獨善其身，每一次當事人嘅啞忍屈服喺港共嘅淫威，就係再縱容港共加倍迫害其他捍衛香港自由嘅手足。所以當面對打壓我哋都應該唔好跪，唔好因為五斗米折腰，我哋必須為自己企岀嚟，為香港人、為香港未來反抗。今日，抗爭空間再度壓縮某程度上係因為我哋持續對極權既妥協，所以我哋都有一定既責任，因此我哋唔可以再退讓，必須團結一致對抗港共暴政。 請訂閱作戰研究院 Telegram Channel ➼ https://t.me/FightResearch 戰術研究 | 抗爭資訊 | 時局分析 | 評論 | 趣事 資料來源： [1] https://news.rthk.hk/rthk/ch/component/k2/1604020-20210803.htm?spTabChangeable=0 [2] https://hk.on.cc/hk/bkn/cnt/news/20210716/bkn-20210716165832916-0716_00822_001.html [3] https://www.news.gov.hk/chi/2021/08/20210802/20210802_182826_426.html Credits to LIBERKONG https://www.facebook.com/LIBERKONG/ 1.2K views04:29
