陳木勝電影《危城》經典對白回顧：「跪左先啦！」 《危城》一個弱 | 作戰研究院

陳木勝電影《危城》經典對白回顧：「跪左先啦！」

《危城》一個弱小鄉民對抗軍閥的故事。軍閥之子古天樂闖入普城殺人，被地保劉青雲捉拿監禁，卻惹來軍閥大軍壓境，人心惶惶，因為恐懼，有人寧願放棄公義，不再為死者申寃，息事寧人，於是出現了以下一段經典對白。這段對白當年惹起不少共鳴，面對相同處境，大家會如何抉擇？

劉青雲：「我第一日做地保嘅時候有人同我講，做地保唔駛識好多字，但最緊要識得分是非黑白，知道乜嘢係啱，乜嘢係錯，你知唔知嗰個係邊個？嗰個就係你，我都好服你。」　

廖啟智：「但今次會死好多人㗎，為咗曹少璘，值得犧牲咁多人咩？你去問下啲鄉親父佬，問吓佢哋想點吖！唔好同佢哋講乜嘢公義，我哋淨係想平平安安，有餐安樂飯食。(廖啟智跟著跪下)唔好為難佢哋啦！」

劉青雲：「你以為我哋肯跪，件事就有得解決？」

廖啟智：「跪左先啦，保住性命緊要。」

劉青雲：「我哋今日跪左，聽日可以企得翻身咩？我哋嘅子子孫孫、世世代代可以抬起個頭做人咩？我哋唔係奴隸，係普城嘅主人！我哋越驚只會死得越慘。由曹少璘踏入我哋家園開始，就已經係不幸嘅事，我哋無得避㗎！係，我哋可能會死，但係人都會死㗎啦，我哋死得有價值啲，好唔好？」

請訂閱作戰研究院 Telegram Channel ➼ @FightResearch
戰術研究 | 抗爭資訊 | 時局分析 | 評論 | 趣事