《自由的 • 冬日送暖大行動 ~ 成功 》 大家仲記唔記得7月份時,我哋既冬日送暖大行動義工招募呢? 由招募、採購毛冷、交收毛冷及成品、送出,喺呢度要多謝大家既支持 由多位自由師及家屬、Admins和自由人所組成既頸巾義工兵團,用咗大概3個月既時間,完成咗209條頸巾,當中部份頸巾仲係由義工贈送。 喺11月底,我哋已經成功將所有成品回收,連同1550個口罩送到灣仔星街既聖母聖衣堂,由神父降福後再由幹事帶領教堂義工隊將頸巾及口罩派送到維園、灣仔、上環、西環、九龍城、新蒲崗、黃大仙等各區既街友及獨居老人。 希望每位收到頸巾既老人家都可以喺呢個冬天感受到黃人既一點心意 #自由的的士平台 #聖母聖衣堂 #冬日送暖大行動 #其中一位義工媽媽一個人完成差不多五十條頸巾 #真係高手在民間 #Admin們望塵莫及 427 views15:36