自衛、拯救教學頻道

2022-06-28 06:42:40 《香港全民習武公海》正式開張！ 按我入谷 為確保討論質素，入谷者必須限時內回答2條簡單的邏輯推理題。請於清醒狀態下入谷及小心閱讀題目。如入谷失敗，請於12小時後重試。 我們鼓勵新手進入討論區向其他高手請教，因此不會問太技術性的問題。反而，我們相信邏輯推理題更能確保入谷者的質素。 打开/如何

2022-02-13 17:01:51 以下係本頻事後孔明式非專業分析：

片中所見，有5名男子突然闖入舖頭，手持武器襲擊2位事主。事出突然，對方人數多而且持有武器，再加上店舖內空間狹窄，坦白講情況非常惡劣。

面對呢種惡劣情況，平日訓練嘅優先次序係：
1. 警覺性、心理質素
自覺風險較高嘅手足/舖頭，平日都要提高警覺，尤其開舖、收舖、人流較少嘅時分。而綠衫手足受到襲擊後，仍然有反擊同制服施襲者嘅鬥心，呢樣係值得大家學習。

2. 工具嘅準備
承接第一點，平日可以喺舖頭擺放唔同工具，而且儘量放喺固定位置兼要熟悉擺放位置。但請只擺放合法而舖頭運作上必須使用嘅工具。請儘量利用自己比對家熟悉舖頭環境嘅主場優勢。

3. 體格鍛練
謹記呢啲環境底下，力量同抗打比起一切招式技巧重要。平日要多做力量訓練同適量地練抗打，身體適應疼痛感覺會幫到你面對被襲擊嘅情況。

另外，可能有人會問，習武喺呢啲情況下會有咩幫助。我地想強調習武並非單單學習招式技巧，而係平日高強度嘅對打訓練會令大家喺身體受到傷害嘅情況下，識得如何調整心態，從而：
1. 將傷害減低
2. 可以有一定程度嘅反擊，心理上震懾敵人

今次事件中，大家可以向手足學習的地方包括：
1. 即使被突襲仍然臨危不亂，盡力反擊令敵人膽怯同埋拖延時間，直至救兵黎到。
2. 有嘗試控制敵人，用其中一個敵人做肉盾，將攻擊面減少，減低傷害。

本頻祝願傷者儘早康復，並且對於手足同見義勇為者的勇氣和行動力表示讚揚。

香港人，見字飲水，習武強身健體。 打开/如何

2022-02-13 17:00:41 [男子疑因豉油尋黑幫「覆啅」 5黑衣漢到場施襲反被制服]

#港聞
攝：K　圖：Meow

昨晚10時，葵涌廣場發生一宗傷人案，5名黑衫男子手持亞加力膠板衝入位於葵涌廣場2樓的甜品店hk9Cake，向兩名正在打掃的店員施襲。期間店員不斷反抗，雙方由店內打至店外，驚動鄰近店舖。鄰舖出手相助，同時幫忙報警。事件中，1名37歲孫姓施襲者反被職員當場制服，其餘4人逃去無蹤。

完整報道：https://www.whatsnewsmedia.com/7234/08/31/30/

#黑幫 #瑪嘉烈醫院 #hk9Cake #葵涌廣場 #亞加力膠板 #施襲 #豉油 #豉油糾紛事件 #壽司安 #飛機 打开/如何

2021-11-22 11:32:01 #捉腳 #逃脫




另一個方法，拉近同對方嘅距離，之後用手捉住對方上半身，再將成個人嘅重量壓落被捉嗰隻腳度，好似要踩落地下咁。因為腳力再加上重量多數大力過手，所以會解到。

進階少少嘅可以壓落去同時纏頸，另一隻自由腳起膝撞向對方。 打开/如何

2021-11-22 11:31:01 #捉腳 #逃脫




被人捉腳個陣，可以稍微將被捉嘅腳擰轉，膝頭指向地下方向，咁會比較易抽到隻腳出返黎。但成個動作要夠快，避免被人追擊。 打开/如何

2021-11-22 11:30:07 #捉腳 #逃脫 #手足發問
Q: 如果踢腳被人捉腳點搞？
A: 關於捉腳嘅問題，可以由兩個層面去講。

首先由預防講起，平時練踢腳嘅時候，除左練起腳速度、準確度、力度之外，好多人都會忽略左練收腳嘅動作。平時要練埋快速收腳，減少有機會被捉腳嘅時間。

除左收腳唔夠快之外，被人捉腳嘅另一個原因通常係因為起腳太容易被預判。起腳之前可以先由拳組合入手，擾亂對方視線同分散注意力喺上半身，或者起腳方式同打擊位置可以有多啲唔同嘅變化，唔好打死一個位。

最後就係如果被人捉腳點樣拆，以下分別有2條片，講2個常見嘅方法。 打开/如何

2021-07-03 05:30:08 香港人，are you ready?

《自衛、拯救教學頻道》
@hk_self_defense
《香港全民習武公海》
https://t.me/hk_self_defense/711 打开/如何

2021-05-26 17:00:02 #小道消息 #自行判斷

本頻admin收到消息，曾經有懷疑低等動物混入過某個義教班上堂。
目前尚未清楚該低等動物是純粹於私人時間上堂，還是有工作上的特別目的。

為免引起不必要的恐慌或捉鬼，我們不會透露涉事的義教班或懷疑是低等動物的tg id，請不要pm問。

我們不鼓勵大家捉鬼，只想提醒大家參加任何公開活動時慎言，亦都在此勸告低等動物不要再浪費時間，你們不會達到目的。 打开/如何

2021-04-14 14:43:34 亂世體能｜上肢肌力｜知識分享

「掌上壓」是徒手訓練上身推力的招牌動作，主要運用的肌肉是：胸肌、前肩膀、三頭肌，不同的動作變化，就會針對不同的肌肉。大家可以留意影片，而動作細節，黎緊亦會係恆常既訓練課入面探討，之後會另有文章詳述。

訓練方法
影片中的每一下：是完整的推上和放下，我們稱為全幅度（Full Range)。我們可以基於這個概念安排不同訓練動作，包括：
1）半幅度
2）慢下離心收縮
3）等長收縮

訓練安排（由零開始）
嘗試一星期訓練2-3次，按照自身能力選擇1-2種掌上壓，以少下數(最多下數/2)、多組數(6-8)的原則去訓練，組與組之間可以休息長一點，例如2分鐘。為了讓你的肌肉和神經恢復，休息時間長一點也沒關係。呢個安排唔係絕對，訓練應該循序漸進愈來愈辣，但相信對新手刺激已經不錯。

尾聲
多謝你睇到呢度，其實唔係d咩秘密，如果有唔明白，請隨時發問 大家好好練！齊上齊落！

#寫得太長就會TLDR

原po傳送門 ：
https://www.instagram.com/p/CNktEX8D98e/ 打开/如何

2021-04-11 08:02:09 文中要點+短評：

1. 只睇片，唔練習，唔會有用

要知道要成功施展任何技巧，都必須準確掌握每個要點、時機、距離等。而實戰當中，機會往往係一瞬間嘅事，如果到時仲慢慢諗要點做，一定唔會做到。另外，只睇片唔練習，亦有機會會高估左自己嘅能力。

2. 唔好過分神化要害打擊

文中已探討要害打擊成功率嘅問題。想再補充一下，並非所有情況都適合打擊要害，例如只係鬧市中同人爭執，比人捉住手或者衫，可以有其他較低風險嘅做法，打擊要害反而會有手尾。

3. 搏擊運動同防身自保嘅分別

要明白前者同後者，喺技術、心態、策略上都有一定嘅差異。並非所有運動搏擊類武術嘅招式策略，都可以直接應用喺街上。街頭防身自保，變數比前者多好多。

4. 體能嘅重要性

呢個唔特別解釋，只可以講街頭生唔生存到，由好多因素決定，技術係其中一個，體能亦係其中一個。而練體能係冇捷徑，所以希望大家坐言起行，操好體能。

最後都想強調一樣野，學習武術同自衛術各有佢嘅好處同重要性，兩個界別嘅人士都唔需要貶低對方。如果要打個比喻，綜合格鬥同自衛術相比，就好比田徑運動同parkour嘅分別，只可以講兩者存有異同，應用嘅範圍唔同。 打开/如何