調倉 上星期，阿蛋終於被調離「住」咗年半嘅「1D」倉。 呢個倉 | 香港反黑組🧟‍♀🧟‍♂

調倉

上星期，阿蛋終於被調離「住」咗年半嘅「1D」倉。

呢個倉每日要做嘅工作，就係黐圖書封面。呢個期數好唔好做就見人見智，但至少阿蛋喺呢年半入面都叫適應到。

調倉，對於阿蛋嚟講，都係一件幾頭痛嘅事。事關阿蛋嘅物品都幾多 先唔好講用品同零食，剩係漫畫書，都已經超過100本 仲未計其他散文小說、教科書、mock paper、網上文章同信件。。。

記得舊年佢由荔枝角過界去赤柱時，寧願唔要支洗頭水同沐浴露，都要將所有書同信件全部帶走

問佢點解，佢話沖涼洗頭，唔一定要用洗頭水同沐浴露，用洗手液都得 ；但書同信冇咗，就未必買得番、同睇得番

正因為放低咗支沐浴露同洗頭水，所以阿蛋喺過界赤柱後，足足有兩個月係用滴露洗手液沖涼、用番梘洗頭

現時阿蛋信件嘅儲存量，年半以嚟佢估計加埋應該超過1000封。（當中夾雜咗兩年嘅聖誕咭）雖然冇認真數過，但所有嘅信，已經叠好哂、入哂袋，連埋其他書塞爆咗床底

曾經要求阿蛋將部份書同信退番出嚟，幫佢帶番屋企。但佢又話要同啲書、信齊入齊出 （即係帶埋啲書同信一齊出冊 ）⋯⋯我無嘢好講

講番調倉，自從阿蛋調咗去新期數之後，似乎仲未適應新環境。而幸慶嘅係，當中有幾個同阿蛋同倉嘅手足，都一齊調去新期數，算係大家有個照應。但比起之前1D倉，新期數一定冇咁「好受」。

近2個月，不斷有手足判刑「泊正」，而還柙緊嘅手足亦被重新分派到唔同期數，亦唔會同47人同倉。所以手足喺監房內根本唔會凝聚到所謂嘅朱古力勢力 手足（政治犯）喺監房入面，連行多步都會俾人過問，可以搵到啱傾嘅人已經好好，仲有咩資格學人玩圍圈啫？唔俾人搞已經偷笑啦！

Facebook ：ArDaan
如想繼續支持手足，可按心目中價值加入
Patreon: www.patreon.com/ArDaan
阿蛋郵箱： 九龍中央郵箱 71488號
阿蛋 ar_daan_

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港