香港反黑組🧟‍♀🧟‍♂

2021-05-22 13:56:01 警告 政府出動捉人在公眾場所吸煙！請廣傳！
請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-21 21:45:58 【寫在六四案判刑後】

六四案判刑當日，甫踏進法庭，抬頭就見到好多熟悉的臉孔，除了朗以外，有好多熟悉的朋友也來了，心裡一陣安心湧出來，可接下來就被擔憂取代了：這些案件的「判刑」，對旁聽的人來說，總是比「當事人」更難受更傷心。果不其然，熟悉的詞語都逐一登場：Deliberate and premeditated呀，deterrent呀，inherent risks of violent 呀，全部無一缺席啦。一次生兩次熟，三次就識背了，聽到這些關鍵詞，心裡早已有數：是會比預期的壞更壞吧。不過聽到黃之鋒的量刑起點是15個月時，還是咋舌：坐喺度舉蠟蠋，判監一年三個月（不認罪的話）？嘩，even by today’s standard都係quite something喎，香港法庭，never cease to amaze me la。接下來的時候，卻是在望著旁聽席啦，尤其是朗，趁懲教不為意的時候，偷偷扯下口罩以口型對她說了句加油，這是我在那個場合中，僅餘能為她做的一點事吧！畢竟，那些數字，那些詞語，對親人、旁聽的人造成的傷害，比犯人欄中的「被告」，大十倍有突吧。我當時的感受充其量是：「喔，真的可以荒謬到如斯地步，fine!」在外面讀著新聞的香港人，也是如斯難受吧，大概能猜想得了的，那份因極端的荒謬而帶來的傷痛，但我還是那句啦，總是要咬緊牙關，挺起胸膛面對這些真正的「暴力」。避不了，一齊捱。

回程坐車回荔枝角的時候，聽到前面的「蠱惑仔」說：「今單我判咗16隻（16個月）咋！」「你咩褲（控罪）呀？」「傷人呀，16隻咋」我又再想多一次，我們四人「因悼念六四而舉起蠟蠋坐在球場上」，所獲得的刑期分別是：一年三個月、九個月、六個月及六個月（不認罪的話），其實法律的「正當性」，就是如此淪喪的吧。不是誰和誰「違法破壞法紀」，也不是誰人喊幾句「法治已死」就能淪喪，當法庭、司法機關的「判決」，是跟「道德」完全脫勾時，其「正當性」就必然蕩然無存吧。悼念六四，無論從怎樣的角度去看，卻必然是正常的事情，是每一位擁有合理道德觀的人，都會去做的事情，而這個行為，在法庭眼中是跟「傷人」同等程度的，哪有可能會有任何「威嚴」、有任何「正當性」可言吧。

我們在牢獄，痛苦，但心安理得，心裡面，還是是悠然、安然的。

在這個情況下，要以以往的方式悼念六四，大概是不可能吧。但我想了又想，假若六四這事的記憶，到我們這一代嘎然而止的話，這事就會正式被極權淹沒。假如我們這一代人，不再記得六四，不再把其當作一回事，他朝一日，六九、六一二、六一五、六一六、七一、七二一、八一八、爆眼少女、八三一、十月一、梓樂、中大、理大、以及眾多在運動中離開了我們的手足，都會遭受到同等待遇，所以六四是絕不能遺忘的。不論怎樣，我們都有責任不遺忘，這不只是支聯會的責任，也是我們的責任，不管以怎樣方式，今年我還是會在當天悼念那場血腥鎮壓中的義士。

悼念六四，當然無罪。

岑敖暉
8-5-2021
荔枝角收押所
全文同時載於Patreon
https://www.patreon.com/posts/51524070
請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-21 16:25:36 #721NeverForget
請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-16 15:33:01 警告 黑警狂發告票掠水！請大家搭小巴的士記得扣安全帶！請廣傳！
請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-15 15:38:28 獄中手足：我好驚大家會停落嚟，請將訊息傳開去

致同路人:
手足們近來可好?我係入面都唔算過得太差，識左好多新朋友同食得清淡左(不過啲粥既款式究竟係邊個諗出黎...拉出去execute!!)見有好多空閑（閒）時間，忽然想寫封信比你地(希望冇寫錯字)。

諗翻（返）起一個月前，忽然聽到幾下好大力既拍門聲，再望下個鐘，就估到惡夢找上自己了。再聽到佢地講「香港警察」呢四隻字，時間好似停左咁，原來人係驚既時候真係可以震得好誇張。收拾好自己預備跟佢地走既時候，我好好咁再望住我媽咪同屋企，因為我知道我踏出呢個屋企之後就會有一段時間都返唔到黎;同埋有一段時間都唔可以再咁近距離咁望住呢個世上最錫我既（嘅）人。

原來成件事真係可以發生得咁快，咁恐怖。一諗到有好多同路人都經歷過呢種不安，我就好心up。

去到臭格，慢慢開始消化到件事，望住只有自己一個既（嘅）狹小空間，（果）種孤獨感到而家我都仲感受到。當我精神慢慢開始捱唔住既（嘅）時候，我見到左手邊既（嘅）牆深深咁刻住:
記住 你不是自己一人

個（果）下真係忍唔住崩潰左（咗），呢間房以前都存在過因為totalitarian bullshit而受苦既（嘅）人。我開始去搵其他痕跡:「反對廿三條」「撐住」...呢幾句說話陪我渡過左係臭格既（嘅）時間，原來文字真係有calming effect(希望大家寫多啲信比唔同既（嘅）在囚手足!)。
而家比(俾）人還押左一個月有多，每一日就係睇書，睇報紙，睇信，同寫信。見住香港沉淪得越來越快:禁投白票、共同犯罪原則、李宇軒被so-called神秘組看管(diu呢個真係好L7心up)。又見到緬甸既（嘅）情況，從中我見到小小香港2019年既影子。回想起2019，有好多個無眠之夜，甚至係喊住咁入睡，然後又好早起身check新聞。而家望住比（俾）人搞到殘破不堪既（嘅）香港，心諗:點解呢個世界咁荒謬?究竟黎明前既(嘅）黑暗仲有幾耐?

係咁艱難既（嘅）時期要堅強真係好難，有太多uncertainties同太多唔公義。但手足，記住你唔係自己一個面對。高牆咁高，我地又咁脆弱，好似好難做到啲咩。但請你仔細觀察下，有好多野都可以做到:鍛練自己，寫信......有時你可能會感到麻目(木），好overwhelmed，所以記得比自己抽離下，你既(嘅）情緒都好重要!

我好驚大家會停落黎，可唔可以應承我唔好忘記所有發生係大家身上既（嘅）種種唔公義?千萬唔好因為覺得做唔到啲咩而沉默，唔好選擇接受而家望落「正常」既（嘅）唔正常，唔好比自己接受呢種「平庸之惡」。

記住，你不是獨自一人。

手足
07/04/2021
羅湖懲教所

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港

Src: https://www.facebook.com/story.php?story_fbid=340133684342249&id=110620427293577 打开/如何

2021-05-15 15:38:25 獄中手足：我好驚大家會停落黎（書信版)

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-12 07:50:02 已辭職懲教職員爆荔枝角打壓手足內幕

喺荔枝角入邊，係好黑暗，入面嘅手足都係有高學歷、社運人士，佢哋都係主流社會的人仕，唔知乜叫黑社會文化。

喺荔枝角表面上只有黑社會搞黃絲，實際上背後有一班幕後跟黑社會有利益輸送的同事搞黃絲，呢班同事以舊翼D.O. 同球場同事為主。

最近咁，有黃絲被50多名有黑社會背景的所員圍哄，目的就係要迫嗰位黃絲出手打交先，而當時情況係期數老細所容許，逼黃絲犯事，點解期數老細袖手旁觀？同事就係要用班黑打壓黃絲，以可以打棋、賭錢作為條件。

而打壓黃絲最厲害的期數有DM3、DM5、1B，前排私飯有酒精成份的紅酒，班黑逼每個黃絲入紅酒，每晚逼佢哋交出紅酒，班黑以每杯紅酒10至15支煙賣出。如果唔係DM6班黑借酒鬧事，今日黃絲仲比班黑欺負。

荔枝角的黑社會經濟活動係好嚴重，尤以4B、5A、5B、DM3、DM5、DM2、DM6同埋1B，每一個期數有3到5人做莊，而呢班莊都係B仔，B仔嘅權力好大，掌控整個荔枝角嘅經濟活動，連同事都要怕佢哋。

呢班B仔會逼黃絲賭，只要有職員打壓，突擊踢抖，就找黃絲做替死鬼，喺監獄賭錢好嚴重，會鎖水記14日或以上、加監3至5日。

每逢賽馬日，班黑好忙，邊聽收音機，邊用紙抄低賠率，叫其他所員下注，唔單止咁，足球、NBA都係賭錢的一部分。當然，期數的老細係唔會理。

班黑唔會理乜通告，尤其第23條。
佢哋利用象棋的棋子當啤牌，四人玩，每人8隻，紅色比黑色大，俗稱打8隻。

打康樂棋更以桌球玩法，連擺陣也一樣，先任打8-13號入中得1分，打完8-13號，依次序打2-7號為該棋實際分數。

以上各賭錢方法、方式，期數老細當睇唔到，甚至控制室同事望住Mon，都當睇唔到。

賭錢在荔枝角以煙做單位，唔夠煙可以借其他所員戶口入煙（俗稱劃飛），每7至8包煙為$1000蚊；亦有利用兩位訪客黃美蓮及呂雪賢，探監時代為收數、追數，過數。

班黑就係咁，掌控整個荔枝角的經濟及權力活動。
大家繼續為牆內同路人去發聲，唔好比佢哋覺得孤單同埋Condom，佢哋每一位係義士

Ｃ先生
2021年5月10日

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港

Src: https://lih.kg/2525704 打开/如何

2021-05-08 07:06:07 海關收 460 宗產品標籤舉報　未見大型執法　前關員：基本上一週處理到

「AbouThai 阿布泰國生活百貨」上月 8 日被海關沒收逾 8,800 件貨，指產品警告標籤涉違反《消費品安全規例》，一名負責人被捕。《立場新聞》記者當時巡視樂富廣場 6 間百貨、共 192 款貨品，發現多達 123 款貨品標籤有問題，其後購入其中 8 款問題產品並向海關舉報，惟未有實際進展，海關關員僅稱「調查咗一段時間」，又指近來接獲投訴眾多，或須調查半年才有結果。

前海關關員張先生表示，此類標籤舉報個案一般處理耗時較短、案情較簡單，經觀察及巡視「基本上一星期已經處理到」。不過張先生估計，因接獲投訴眾多，海關相關部門或不勝應付；他呼籲市民舉報後積極取得負責關員聯絡方式，定期跟進。他又認同海關檢控阿布泰的方式較同類案件高調，難免令民懷疑屬選擇性執法
https://bit.ly/2RuWCBH
相關報導：日本城等 6 家百貨標籤照舊　《立場》舉報 25 日無進展　海關：或須查半年 https://bit.ly/3uuwsNX

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港 打开/如何

2021-05-04 07:43:01 【專訪】昔日戰友流亡監禁　「開站師」堅守香港：行動戰勝恐懼　為再聚「加速」

剛於中大政治及行政系畢業、現任社會學系研究助理的袁德智 Jerry，曾為中大學生會首個本土派內閣「星火」的外務秘書，中學參加模擬立法會而與張崑陽成為好友。兩人上大學後亦自組讀書會、研討會，閒時打機、飲酒、打邊爐，到了反送中運動，在張崑陽成為新聞人物之前，大小集會和街站就已見到 Jerry 與他的身影。

「我最基本嘅心態係『重聚』兩個字，真係好想好想同 Sunny（張崑陽）一齊打機食飯，真係好想見返大家。」

這一年，《國安法》實施了，朋友一個又一個逃亡、被捕。「開站師」創辦人 Jerry 看到驚恐的香港人成千上萬地離港，公民社會一片靜寂。輾轉思量近兩個月，他決定成立「開站師」，帶了一張枱、一支咪、一疊傳單，沒有特定議題地在各區「為開街站而開街站」。他說：「用一個喪開街站嘅方式，去希望大家，一齊用集體行動戰勝恐懼。」......

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港

睇片： https://bit.ly/335QKkY
專訪全文： https://bit.ly/333TcIF 打开/如何

2021-05-02 13:10:28 被囚手足的陳情書，她希望大家轉發開去，這是我們可以為手足做的一點事，請廣傳
4月30日，理大女生楊泳茹承認藏有汽油彈，被控「管有物品意圖摧毁或損壞財產」罪，判囚38個月。楊小姐從容面對牢獄之苦，撰寫陳情書勉勵大家。

「生於如斯世代，作為一個充滿天真「儍勁」的人，這是我當守的道，必修的行。故此，我會毫無怨恨地接受。」
「監禁、失去自由，是可怕的，但最可怕的是，連自己也放棄了自己。」
「對整個社會而言，最大的損失，是失去信任。」

「有需要用時就share啦，係最後一件我可以為大家做到嘅事。
倉底夠人，好好保護自己，努力生存！
我喺入面等你哋寫信畀我 」

請支持我哋，訂閱香港反黑組 @HKAntiBlack
https://t.me/HKAntiBlack
打倒香港最大黑勢力，還我白色香港

手足楊泳茹陳情信全文
https://hk.appledaily.com/local/20210501/RDYMEMQRINBHFGUSX72XQAPMQE/ 打开/如何