捷報！金融焦土戰打贏第一仗 ⠀ ⠀ 我哋係一班金融界嘅手足，喺舊年十一月中大理大圍城嘅時候，發動咗針對中共龍頭企業曠視科技(Megvii Technology)嘅手術式打擊。依家正式宣布：曠視喺香港上市嘅計劃完美破滅，損失總值40億港元。 ⠀ ⠀ 曠視係「中国製造2025」嘅科技龍頭企業，專門負責新疆集中營嘅人臉識別同人權迫害，舊年九月終於成為美國制裁嘅目標。但係呢間公司無視自己俾人制裁嘅現實，繼續硬推香港上市嘅計劃，結果得罪咗半個中環，仲惹起美國財政部嘅人物注意。 ⠀ ⠀ 睇人臨衝線先仆街最爽。我哋動員咗過萬個手足，專登等到曠視上市聆訊前一刻先發信港交所，指控曠視違反有關制裁嘅上市規則(https://lihkg.com/thread/1741398/page/1)。曠視百密一疏，完全冇料到有呢一著，數於十億計嘅上市大計就咁收咗皮。 ⠀ ⠀ 就係咁樣，我哋成功擊殺咗一間中共嘅科技爪牙。曠視依家一無晶片，二無外匯，從此再冇辦法走出國門，睇嚟只能夠留係新疆種哈密瓜。 ⠀ ⠀ 我哋亦成功敲山震虎。曠視一役之後，另一間「中国製造2025」巨頭商湯科技成為驚弓之鳥，即時擱置咗香港上市計劃，損失總值60億港元。據我哋了解，家下唔少中共有關新疆/科技嘅企業已經唔敢落嚟香港上市cap水。 ⠀ ⠀ 從來香港就係中国外匯既唯一命脈。中共要做初一斷我哋水，我哋就做十五斷返佢金融條水，睇下邊個冇咗邊個唔得。而家響國安法嘅陰影下，美國政府密鑼緊鼓考慮金融制裁中國。一眾中資仲響香港亂咁嚟，到時美國制裁港交所嘅時候，if we burn, you burn with us, 我哋就睇下邊個死得慘烈啲。 ⠀ ⠀ 中南海你听好了：有国安法就没有金融中心，没有比这更简单的了。 https://www.instagram.com/p/CAtlsZUqdKT/?igshid=t6o81bz8zqkg 捷報！金融焦土戰打贏第一仗！後續行動繼續打沉中概股！ https://lih.kg/2038608 #1419hk #光復香港時代革命 #光復香港 #時代革命 #黃色經濟圈 #香港 #攬炒 #文宣收集處 #文宣 #金融戰 #捷報 #五大訴求 #缺一不可 #國安法 8.4K viewsedited 03:33
