https://www.facebook.com/110259503785884/posts/256951822449984/
港人移英一年帶走2800億咁少 ？
路透引述美銀一份報告話預計2021年大量香港人用BNO移民英國，將會帶走2800億，五年夾埋會走資5880億。
美銀話假設每個家庭走之前會先賣樓，以九龍區樓價中位數753萬計，再加埋所有積蓄、退休金等等。另外，又估移民帶走嘅資金，會令港元匯價兌每美元脫離7.75嘅強方兌換保證。
舊年英國內政部一項研究估計今年會有15萬香港人移民英國，另一個數據就估未來5年最多會有32萬香港人去英國。
但係要走嘅人會走嘅錢邊會咁少呀？
2020年10月，中文大學香港亞太研究所調查結果顯示每十個人大概會有四個想走， 而且想去英國只係佔大概23%。移民英國當然係一個選擇，但唔好忘記仲有美國、澳洲、新西蘭、加拿大及歐盟各國， 仲有鄰近台灣 、馬來西亞、新加坡、泰國可以揀。舉個例喺1997時，已移居外國嘅香港人，有28萬去左中國，美國、加拿大各有24萬，澳洲、英國各10萬，仲有6萬去新加坡。 所以淨係睇英國未免太保守了。
講返走資，我地仲未計開緊或已經擁有離岸戶口、資產高過中位數嘅香港人，同埋暫時落唔到嚟香港諗住賣樓調走資產個班強國人。
早幾日先有姐姐話唔畀持BNO香港人有雙重國藉，然後再吹風話北京唔畀BNO持有人做公務員或投票。係喇，好驚呀真係，講到啲選舉好公平香港人好恨投票，又好恨做公務員去宣誓咁。講到尾，真香港人走唔走阿爺唔會care，但錢走就唔得囉。
