https://www.facebook.com/110259503785884/posts/260344732110693/ 美國剛剛完成政權移交儀式幾分鐘後，中國立即宣布制裁包括蓬佩奧在內28位美國前朝官員，做法只可以形容為閃縮、低莊，缺乏大國風範 。做法似係係鵝頸橋底打小人咁，幫自己平衡下心理，但人家卻不痛也不癢。 中共揀呢個時候公佈制裁當然唔係巧合而係有預謀，覺得呢個時辰係最適合，又可以同國民交代自己唔係冇牙老虎畀人撳住嚟打，又唔使怕特朗普團隊可以反擊， 又諗住下任團隊唔會幫上一任做啲咩。 中國咁做似乎係缺乏咗美國權力分佈嘅簡單認知常識及兩黨反共嘅情緒。 特朗普團隊在任時所推出幫香港、台灣及新疆嘅法案係兩黨共識一致推，而拜登團隊候任國務卿Tony Blinken 早前係參議院聽證會上都講 “Trump was right in taking a tougher approach to China”。 抑或中共係想同新拜登團隊延續緊張嘅中美關係，講白啲係想撩交嗌？ 當拜登演說話要修補美國藍紅陣營關係同埋點樣同共和黨合作，中共成功地將自己擺入拜登上任後嘅第一件外交大事。 拜登團隊國家安全會議發言人表示制裁毫無意義，更加出咗聲明話「拜登希望未來與兩黨領袖共同努力，幫助美國在競爭中戰勝中國」。 前團隊在任時又唔見你夠膽做， 人哋走咗又走出嚟耀武揚威，樣衰衰得罪咗新團隊又唔知。 有咁樣嘅對手真係想輸都難 1.5K views06:45
