https://www.facebook.com/110259503785884/posts/264590125019487/
牆國又搬起石頭砸自己的腳
話說舊年牆國不滿澳洲要求徹查武漢肺炎嘅來源，又經常喺香港人權問題上嘰嘰趷趷，所以對煤、鐵、銅等一眾商品施以懲罰性關稅，諗住餓鬼死澳洲，等啲死袋鼠知道熊貓嘅厲害，點知...
路透總結返數據後發覺，澳洲啲出口不但冇少到，仲升咗好鬼多，反而牆國冇咗澳洲供應，要喺出面買貴貨返嚟補充需求
舊年12月，牆國入口嘅澳洲煤唔夠69萬噸，比6月時嘅高峰946萬噸少咗9成幾。諗住澳洲仆硬街之際，頂你個肺12月澳洲出口咗3382萬噸煤，係2020年最多嘅1個月!
還記得早排寒流侵襲，牆國因為唔夠煤而大範圍斷電小粉紅凍到跳舞之際，日本、南韓、台灣呢啲打靶國竟然唔生性起勢向澳洲掃煤，印度、泰國、越南呢啲長年咁熱嘅國家都買個不亦樂乎。
記住澳洲絕對唔係薄利多銷去冚返牆國條數，上個月澳洲出口煤總值37億澳元，係5月以嚟最多。睇返近期，截至1月22日，澳洲燃料煤每公噸87.52美元，由2020年9月嘅低位反彈咗89%。當時跌得咁甘，正因為市場用咗牆國嘅思維去諗，以為冇咗呢個大客仔澳洲煤就死梗。
煤價貴晒，牆國唯有硬食，1月26日秦皇島燃料煤每公噸873元人民幣，雖然已經由高位1038元回返唔少，但仍然比舊年5月嘅低位高出87%，亦遠遠貴過政府認為最有利買賣雙方嘅520-570元呢個範圍。
除咗煤，澳洲嘅銅、鐵礦石、穀物等出口都冇受牆國懲罰措施影響，一樣掂過碌蔗。調返轉牆國嘅需求冇減過，焗住捱貴貨。
路透個記者好串呀，叫牆國政府諗清楚，如果自己對貨品仲有需求，貿貿然走去玩加關稅呢啲懲罰措施，最後都係罰返自己。
認真講，陣柒味確係幾濃
