2022-02-27 06:24:08
二戰史 德軍閃電戰03
1938年,英國總理張伯倫飛去德國三次,諗住試圖去說服希特拉唔好入侵捷克斯洛伐克。
張伯倫話,我曾經多次搵希特拉傾,如果第一次唔得,就再試、再試、再試一次,呢個就係我要做嘅。
去到佢第三次訪問嘅時候,有法國總理達拉第都有同行,仲有意大利總理墨索里尼,呢次嘅會議亦即係慕尼黑會議。
佢哋同意咗希特拉嘅提案:德國可以吞併蘇台德區嘅德語區,但係唔可以試圖入侵捷克斯洛伐克。
第二日朝早,張柏倫同希特拉又簽咗另一份約,就係德英和平協議,張伯倫被稱為英雄,佢翻到倫敦赫斯頓機場,舉起張紙話我哋嘅時代只有和平,而呢一個就係我同希特拉嘅Private deal
張伯倫又話:今朝,我同德國總理希特拉先生有第三次談話,呢一張紙上面簽咗我同佢嘅名。張伯倫係阻止左戰爭,而呢個係毫無疑問,而德國的而且確一直都蠢蠢欲動,想全力衝入捷克斯洛伐克而佢已經阻止左。
佢又話尋晚所簽嘅慕尼黑業協議同埋今朝簽嘅和平協議都比大家視之為兩個國家願意再交戰嘅一個象徵,而當張伯倫演講嘅時候,希特拉就喺度準備緊進攻蘇台德區。
1939年3月,希特拉進攻捷克斯洛伐克與其他地區,希特拉嘅目標好明顯唔係局限於要攞返德國領土,仲要將德國嘅邊界向動推進。
希特拉嘅最終目標係喺東歐同中歐建立一個巨大嘅德意志帝國,賭吓其他國家會唔會開戰,佢只係不斷前進,緩慢而且堅定咁樣前進。
一個一個咁樣攞咗佢需要嘅國家,包括奧地利、捷克斯洛伐克等等,呢個時候所有嘅骨牌都會冧低,佢好快就可以完成呢個巨大嘅帝國,成為德國人民嘅客廳。
法國同埋英國開始越嚟越心急,希特拉下一個目標跟住落嚟就係要向波蘭推進,所以佢哋喺地圖上面畫咗一條線,就話如果希特拉真係入侵波蘭,佢哋真係會宣戰,希特拉唔信邪。
比起果一邊希特拉其實更加擔心嘅係佢公開左嘅敵人亦即係蘇聯會有啲乜嘢反應,喺1939年8月希特拉宣布同佢喺意識形態上嘅敵人史太林簽訂左互不侵犯條約,應承大家係唔會打對方,而西方同民國係唔明白點解會有呢個奇怪嘅同盟呢
9月1號,希特拉入侵波蘭西部,兩個國家都開咗自己張底牌。騎馬嘅波蘭軍隊當然唔會係德國戰車嘅對手,但係佢哋都好英勇咁戰鬥,16日之後蘇聯就從東邊入侵左波蘭。
事實上佢哋傾嘅係一個非常損人利己嘅協議,蘇聯可以攞到嘅係自主權同埋東歐嘅一大片土地,包括收返第一次世界大戰之後佢哋失去嘅嗰啲領土,而德國可以得到嘅係毫無阻礙地進攻波蘭,唔使擔心蘇聯會有啲乜嘢反應。
事實上佢哋嘅協議係同意左兩個國家一齊瓜分波蘭嘅國土。
#二戰史 #閃電戰
343 views03:24