【基本法附件三會加入《出入境移民法》係咪真？】
啱啱Telegram有Channel發佈一則新聞，指下個月中共人大常委會議將提及增加基本法附件三所列全國性法律嘅議案，當中包括《出入境移民法》，一旦通過香港人日後出境就需要得到國家移民局以及旅遊局審批，但係到底呢個消息邊度嚟嘅呢？
發佈呢一則嘅貼文嘅Channel指消息來自有線新聞以及On.CC，但筆者睇返上述兩個媒體嘅報道，當中確實有提及將會增加香港及澳門《基本法》附件三所列全國性法律嘅決定草案。
但實際上無論係有線新聞以及On.CC，都並無提及《出入境移民法》，On.CC嘅報道有提及可能會將《反外國制裁法》加入至《基本法》附件三當中，而有線新聞嘅報道內容亦同樣如此，未有提及《出入境移民法》，因此該則貼文當中內容的確與事實有所出入。
話雖如此，但目前香港確實有鎖港風險，由8月1號開始，《入境條例》修訂草案將會開始實施，港共保安局局長可以賦權入境處處長，「指示某運輸工具禁止運載某乘客」，換言之未來確實係存在港共限制香港人出入境自由嘅風險。
懶人包：呢個消息並唔准準確，但未來確實有鎖港風險
注：出得比較急，可能會有些許錯字，希望大家多多包涵
