【江湖再見。蘋果人】（長文，慎入）
小編諗左好耐究竟落唔落筆好，但最後都係忍唔住，因為啲眼淚由一星期前已經開始係咁流。蘋果日報被抄家，唔只係一份報紙咁簡單，仲係一股共產黨打擊香港人信念既暴力。
相信好多Marketers接觸得最多蘋果既一定係佢地既廣告部，未有Social Media興起前，紙媒就係比較好既廣告媒體，但當所有野都轉戰網上時，我地又有幾多時候會拎起份報紙睇呢？有啲兼任埋PR既手足，仲會接觸記者，同佢地度故諗新聞角度，有時會覺得好煩，但當出左一隻故，你又會覺得好似馴服左匹野馬咁，呢種關係係又愛又恨。
蘋果日報既倒下，無疑係港共政府、共產黨打壓言論自由、新聞自由既極權手段，亦係見證一個時代崩潰結束既犧牲品。呢一刻我地唔會知幾時再有其他傳媒或者行業會再因為惡法而倒下，可能大家會灰心，無力感好重，但「堅持信念」呢4個字，就係我地而加可以做到既野。當呢個世界上無媒體再講真話既時候，就要由我地對眼親身做歷史既見證。
蘋果人，多謝你地一直以黎既堅持，守護真相。
江湖再見，珍重。
#致堅持捍衛真相的人 #InSupportofJournalists
P.S. 香港新聞博覽館 Hong Kong News-Expo 請問貴館有冇考慮打算將蘋果日報變成館內收藏之一? 因為這份是一份對香港人影響深遠的紙媒，是一段見證香港的歷史。如需要一份，小編可以捐出這份最終章。懇請貴館認真考慮。
