關於一眾匿名小精靈對V 的無理指控，及企圖借饅頭台人格謀殺 V 一 | 【流浪】[GHOSTS TEAM]—在台流亡手足

關於一眾匿名小精靈對V 的無理指控，及企圖借饅頭台人格謀殺 V 一事，GHOSTS TEAM 現作出嚴正聲明：

1. V確實有喺酒吧與人毆鬥並送往派出所，而實情係V去飲酒宣洩其負面情緒，其後受到台灣本地黑幫人士挑釁，如果V選擇吞聲忍氣，佢就唔係勇武。而且同類事件，並無發生過2、3、4次，僅只一次，何來嘅2 3 4次之說？饅頭台唔係核實過先擺上台？

2. 有關饅頭台聲稱，12-2月有單一助養台給予25000港元援助，V的確有收過該筆援助。

12-2月，該段時間對V來說，是極混亂艱苦的挑戰。一個年青人，第一次真正獨立，獨自面對啱啱嚟到嘅陌生地方，乜都要自己重新建立，處處碰壁，對前路迷惘。初來埗到，司改會冇宿舍安排，要喺鄉下地方搵地方住，台中台南不停來回，期間昂貴嘅旅館錢及交通費，到某鄉下地方大學收V，又要搵屋住，又要交通費；偶然又會撞下板嘥左啲錢。咁情況下，HK$25,000真係唔係好多。

當初某助養台同V噓寒問暖，並表示提供該筆援助。口口聲聲「攞去生活」「唔好餓親」，今日就成為被批鬥嘅對象，你班仆街除咗識批鬥自己人都冇乜識做。

3. 關於屋租加二按一上，家長點批，V就點用，何來人饅？亦提提饅頭台，提早斷租，屋主係有權克扣按金，況且你仲要將上期計埋入去。究竟你知唔知咩叫上期？上期意思係指第一個月既租金係冇得退㗎

4. 該位家長批錢時，難道唔知有司改會筆錢？明眼人一睇就知同人饅無關。

假如啲乜柒精靈想知V點使司改會筆錢，歡迎至少畀上圖幾吋厚嘅美金我哋，我哋會極樂意帶你去GHOSTS TEAM其中一個貨倉參觀下。為恐防你嚇到瀨屎，我哋送條紙尿片畀你又點話。

關於革命，我們是認真的。

5. 饅頭台所謂只睇盤數，但其實盤數一直都被所謂30000 樓所誤導，扣咗30000條數出來，仲有所謂睇見盤數結論係人饅嗎？呢筆數，V有落袋？而就算偶然1、2000使大咗，可以得出人饅嘅結論？而且盤數只係表像，背後原因、實際情況，你又知幾多？有無考慮？

有一點肯定嘅，就係饅頭台只聽所謂家長嘅一面之詞，無法核實當中真偽。

GHOSTS TEAM 對於現時有人借人饅批鬥手足，感到極之遺憾失望，尤其係對做緊實事嘅GHOSTS TEAM，運作上已造成實質破壞，但很多情況無法一一言明，唯有啞子食黃蓮，有苦自己哽，實在令人洩氣！