#Admin專欄 #論區新明總司令快報 #活在真實中 @windseasonbro 呢 | 香港人Secrets
#Admin專欄 #論區新明總司令快報 #活在真實中 @windseasonbro
呢半個月，有幾個中年或銀髮族手足介紹一個叫『總司令快報』嘅Channel畀我。
開頭幾個手足都問我介唔介意Share畀大家睇，以為我會介意喺呢度介紹其他Channels。
我唔介意，當時睇完幾篇佢嘅資訊覺得幾有趣，因為有D我哋接觸唔到嘅情報/無諗過嘅嘢。然而當我呢兩日真係有時間好Deeply咁撳入去睇，就覺得各位要理性思考同埋唔好跟車太貼了。
我對Channel Owner區新明唔係好了解，第一時間Google究竟佢係乜人，始終活咗幾十歲人都無聽過呢個名。
原來佢係移民加拿大嘅香港九十年代DJ，亦一直有做Youtube，難怪呢個同路人唔使短短幾個月，TG Channel Followers就升到兩萬幾人，同時佢嘅投票數目睇得出佢嘅受眾係好中意同佢互動。
當中有一個投票只係問受眾嘅全球分佈比例，已經有14000人Read咗，而投票嘅人都有接近9300人，呢一個投票比例(~66%)放係現今任何一個香港TG Channel睇，都係極高嘅比例。就以我Channel為例，而家一條有1000人睇過嘅投票都係得1XX-2XX人(10-20%)回應，可見其魅力。
Anyway，講返正題，我今次呢篇文章唔係褒讚或貶低區新明，而係講下陰謀論嘅弊處。
當然以往我都有好多陰謀論，關於疫苗、關於抗爭、關於有可能打仗，關於好多嘢都係...可能喺好多人眼中我都係諗得太多，Suppose我都會係一個陰謀論愛好者，但今次我睇區新明嘅總司令快報Channel，都會有一種否定嘅態度。
佢同我都係侵粉，大家都想侵侵重奪總統一職，事實上侵侵都有講過佢短期內會強勢回歸，但睇區新明嘅Channel睇到嘅『情報』會有種『會唔會諗多咗？』果種感覺。
我舉個例子，佢喺佢Channel有以下十問，()內為風巴諗法:
『如果隊友想叫醒有潛質覺醒的，可以參考以下思考：
1）何解白宮每晚11時，準時燈光全滅？ (風:佢潛臺詞係唔係想講侵侵重係白宮主人，重喺入面住？但夜晚熄燈好合理啫。）
2）何解日本韓國元首訪問，沒有任何歡迎/歡送儀式？（風:佢潛臺詞係指元首們仍然承認侵侵而非Joe Biden，呢一點我有保留，可能只係單純地因為武肺，所以一切從簡。）
3）何解華盛頓及白宮不是禁飛區？（風:我無意見。）
4）何解Trump無論在海湖Florida, South Palm Beach或 New Jersey, Bedminster都是禁飛區？（風:我無意見。）
5）何解軍校，軍人醫院等，三軍統帥的相架，仍然是空的？（風:我搵咗好耐都唔知點Factcheck，但就算係，只可以解釋軍人親侵，亦係一直以嚟嘅事實，你知我知大家都知。)
6）何解美國本土上空，軍機活動如此頻繁？(風:我無意見。)
7）何解今年美國報稅由慣常四月十五日延後至五月十七日？(風:我無意見。)
8）何解拜登乘坐專機，在航空網上的官方稱號並非AF-1，而是N/A ( not applicable) (風:搵唔到相關資料。)
9）何解所謂拜登內閣，包括國務卿、財政部長、安全顧問在幾個大危機（烏克蘭、以巴、Colonial 油管）都甚少發言？(風:布林肯都算幾活躍，而相對少發言只係謹言慎行啫？唔通好似某國戰『螂』外交好？)
10）何解紓困支票不是拜登簽名, 一般有現任總統簽名印章(風:呢個惟一同意，Search過兩期紓困支票，第一期係侵任期內推出，係有總統簽名；而第二期係而家Joe Biden期內推出，但無總統簽名印章。)』
佢不斷都有唔同情報，例如臺灣藥廠大火、美國路面突然出現水浸等等，後者潛臺詞係指美軍修理地下水路／防空設施之類。
而尋晚佢有個Post跟車太貼，原因係G7工業國有張圖，影到侵侵背脊，佢問大家認唔認得係邊個，暗指侵侵在內開會。
事實上真係Donald Trump本人，但果張係2019年舊圖嚟。
然後佢Del咗個Post，並出一幅新圖去講炒車件事。
Fact Check好重要，我都有不足，而區新明Channel當中都有有意思嘅歐洲消息，但亦如區本人所講，各位要思考同過濾每一條消息。
暫時我同意區新明嘅有以下兩點：
1)主流媒體開始報導疫苗副作用，轉咗少少風向。
2)Donald Trump有意重奪總統一職。
當然我同區嘅政治立場同取態都似［撐侵、反疫苗（尤其mRNA疫苗）、覺得會打仗］，但各位需要以更嚴謹嘅態度去Factcheck每一種訊息，包括你想聽到嘅訊息。
愈係想要嘅，愈想證明係真實。最可悲嘅係，太靠直覺去相信嘅真實，其實非真實，自我FF太多非真實嘅嘢好可悲，共勉之。
講起真實，『活在真實中』好重要，尋日612，究竟你哋係飲飲食食，抑或有留意時事，活喺2021年嘅香港？
