希望大家能認清誰才是真正手足。手足最低限度具備兩個條件。 1：具有普世價值，e.g. 民主選舉、言論自由、思想自由、遊行示威自由、政治自由、法治、人權.... 2：熱愛香港，e.g 關心香港、希望香港變好、希望改善香港 拒絕「樹倒猢猻散，墻倒衆人推」 黃營受到嚴重政治迫害，不少以往既手足已經對香港絕望，放棄了香港。 佢地（放棄香港既人）有部份人不單止是放棄香港，更以智者聰明人既態度，去呼籲香港人放棄香港、甚至嘲笑諷刺香港人。 我曾經聽開（現在好少聽）一個去左加拿大既時事黃營KOL（唔會開名，唔係要針對個別人士，只係舉個例子），直至某一集我聽到佢介紹香港醫護去移民外國，話外國好易搵到相關工作。 佢（KOL）講既野（關於就業市場）真係無錯，真係唔難搵到工。但係我諗深一層就覺得好心寒，覺得KOL好冇道德。佢自己移民左去加拿大，享用優質既醫療服務，無論香港既醫療情況仆街成點，根本影響唔到佢。 但係人人都知道香港既醫療系統既情況係好嚴峻，好多普通市民（唔講有錢人，有錢去私家醫院、甚至搭飛機外國醫都得）看政府專科醫生要排期好耐好耐，仲有香港既醫護人員既workload已經非常大，經常出現人手緊張/不足等問題。 佢（KOL）有冇諗過大量醫護移民，會對已經好仆街既香港醫療系統構成問題，嚴重損害香港人既利益，同埋令到香港醫護既壓力爆煲。（普通人仆哂街，達官貴人一D影響都冇） 其實加拿大KOL只係一個例子，好多已經放棄香港既人，不停呼籲各行各業既人加入，一齊放棄香港。 「樹倒猢猻散，墻倒衆人推」，人各有志，為自己追求好生活係人之常情，冇人會怪責放棄香港既人，但係不愛請不要傷害。點解自己走左外國就要無視香港人既利益？咁樣做人都得？仲有冇良心？ 希望大家認真審視一下邊D先係真正既手足，其實不少原本既手足已經變質，佢地已經唔再愛香港，佢地唔會再顧及香港人既利益。 不論在港或海外，只要仍然愛香港、為香港人既福祉奔走，真係好值得尊敬。相反，變左質既假手足，如果叫人一齊放棄香港，置香港人利益於不顧，其實同藍屍一樣咁仆街，甚至更加仆街，起碼藍屍唔會周圍叫人放棄香港。 香港仍然有人愛香港、仍然有人為香港去爭取民主自由人權法治（另一個溫和低調形式），不愛香港請不要傷害香港、不愛香港就同香港斷絕關係、歡迎同香港斷絕來往，放棄香港冇人會責怪，但係潑冷水、冷嘲熱諷叫人一齊放棄真係好仆街。 675 viewsedited 14:43
