今日區議會舉行社區經濟及基層自強工作小組會議，會議內容係關於疫情下基層市民失業應該點樣去支援，甚或令佢地可以增強其他技能，從而增加就業可能性。
正如之前我同其他黨友透過問卷調查得知，受訪者有36.7%表示自己係失業，其中超過五成人表示失業咗最少6個月。可能反映某類行業係今日一直係疫情下大受打擊，相信服務業會係今次嘅重災區。
我希望政府部門及各行各業能夠持續做足抗疫措施同時，自己都能夠透過區議會去盡量幫助到觀塘區嘅市民。
時至今日，各界仍然以抗疫為前題，如果人人都做足防護，減少確診數字，大家身體健康，相信咁樣亦係回復經濟及拾就業機會既重要條件。
