#讀者投稿 嗱，我預言下啦，我覺得過多一排，就會再有連登仔嘅言 | 阿囝搵老豆老母(Stand with Ukraine) 🇺🇦

#讀者投稿

嗱，我預言下啦，我覺得過多一排，就會再有連登仔嘅言論俾人斷章取義Cap上去PTT，當然呢層都唔係咩問題啦，台灣人要屌咪由得佢屌囉。

但係接下落嚟我相信會有一班人將PTT嘅post copy返過嚟連登，再指責嗰啲俾人Cap咗言論上去PPT嘅連登仔係五毛、分化撚，因為佢哋嘅言論俾人擺咗上PTT之後你揀咗香港人同台灣人之間嘅感情，然後乘機將佢哋喺連登上面嘅身份抹黑、抹紅。

預言就到此為止，我講吓過去同埋現狀。

喺過去幾年之間，連登上面有唔少人都好主動咁樣post台灣嘅好人好事上嚟，甚至乎當台灣有負面消息一出來，就出嚟幫手洗地、帶風向，務求令到某啲嘅政黨喺香港人心目中嘅印象保持完美無瑕。

直到後來，經歷過反送中之後，有唔少嘅香港人過咗嚟台灣生活，慢慢接觸到最真實嘅台灣之後，就開始上緊反駁嗰班帶風向嘅人。係一開始，呢班人都係被冠以五毛、反台撚、柯粉、藍營嘅稱號，但係漸漸地，佢哋說服左越來越多人，令到嗰班帶風向嘅人開始帶唔郁個風向。

就憑我嘅小人之心嚟睇，呢啲將我地嘅言論斷章取義地搬過去PTT引戰嘅手法，就係呢班帶風向嘅人最新嘅策略，務求去到最後，可以透過台灣輿論嘅壓力，令到連登仔都認為我哋係五毛。

當然啦，呢個只係我個人嘅睇法，究竟之後接下落嚟嘅發展會係點，我哋拭目以待。

另外再提下各位，喺PPT開post嗰條友個IP係喺香港，而且我起咗佢底，佢過往嘅post聲稱自己喺香港讀會計，同埋佢有講過自己係喺台灣讀國中同埋高中，所以應該係一個喺香港做嘢嘅台灣人。

一個台灣人會特登將香港人嘅言論斷章取義咁樣搬過去PTT引戰，佢嘅動機係啲咩，大家自己諗。

高雄大火香港也關注！連登網民：難怪韓國瑜有市場
https://lih.kg/2737814
- 分享自 LIHKG 討論區