#Admin投稿 唔知大家知唔知道黃埔嘅歷史 老實講Admin我都唔係好知 | 黃埔公開資訊發放站2.0🐤

#Admin投稿
唔知大家知唔知道黃埔嘅歷史 老實講Admin我都唔係好知道，年紀細好多都係聽大人講 所以為咗出文就專登上網搵咗啲資料

相信好多人都知道黃埔花園既舊址係黃埔船塢，喺1860年代前紅磡以及黃埔都係以村落為主，大多數人都係用耕田來維生。但自1860年代黃埔船塢係紅磡海岸落成，船塢既出現吸引咗不少勞動力，創造咗大量既就業機會，漸漸黃埔就發展成為一個小市鎮，衍生左商店、餐廳、學校等等，所以紅磡舊區、黃埔街都係黃埔船塢所留低嘅產物。而黃埔嘅周遭都漸漸成為一啲重工業嘅發展地區，有大量嘅船廠、英坭廠、甚至發電廠進駐，而紅磡鶴園街亦都係時代最好嘅見證。隨着紅湖大廈係1965年建成，黃埔船塢開始分階段清拆，船塢漸漸撤出黃埔，係1985年和記黃埔正式將船塢關閉，改建成黃埔花園，淨係留低咗現有嘅黃埔船作為地標，一代嘅歷史就咁完結。所以其實黃埔可以話係填海填出嚟嘅，如果沒有黃埔船塢，亦唔會發展成而家嘅黃埔花園
————————————
資料及相片來自於Wikipedia及躍變龍城網站。