2022-06-23 02:20:31
早前我哋收集咗大家對今年薪酬調整嘅睇法。喺連續兩年凍薪、通漲壓力、人手短缺等種種情況下，大部分同事都表示希望今年嘅加薪幅度可以至少有5%。
而我哋喺五月亦同HR代表開過會，感覺上佢哋比起早一兩年，算係比較肯聽我哋嘅訴求。不過，喺政府決定押後處理今年嘅公務員加薪之後，風向似乎有變。
港鐵嘅人工經常會被拎嚟同公務員比較，而資料顯示，兩者往年嘅加薪幅度又的確係差唔多。但唔同嘅係，公務員就算凍薪，起碼每年有得跳point，而港鐵就原地踏步，甚至花紅都越嚟越少。我哋喺度同大家整合咗近幾年嘅薪酬調整紀錄俾大家參考。
註一：港鐵資料只引用appraisal攞3分嘅數據，因為appraisal點評分，從來無一個客觀準則，而成個機制都係唔透明，際遇可能比表現更重要。
註二：2015年入職SOF/TCap, 人工萬三左右，調整幾次再讀埋T1A，現時逗萬九蚊左右。同年入職政府ACO，人工同樣萬三蚊，跳point跳到今年，已經逗緊近兩萬三，五天工作，唔駛輪班。
157 views23:20
港
