47人案｜控方匿名證人指新西會議上拍片、錄音 《國安法》實施後報警 檔案交警方
實時報道：https://bit.ly/3M7wo1Z
【實時更新報道】47 名民主派被控「串謀顛覆國家政權」罪一案，周二（9 日）展開第 55 日審訊。控方匿名證人「X 先生」在屏風後作供，在控方主問下供稱曾與戴耀廷討論「35+」初選，而戴私下及公開均曾提及逼特首下台。X 形容當中場合時指，「記得都係唔同嘅飯局入面同唔同嘅人，基本上都係啲泛民同事喇。」
X 續供稱，獲「人民力量」梁家聲邀請出席 2020 年 5 月 8 日的新界西初選協調會議，過程中以錄音筆等器材拍片及錄音，並在 2020 年 9 月、10 月，即《國安法》實施後以匿名方式報案，將檔案交予警方。
主控羅天瑋問，錄音是否公開進行？X 答稱「係」。法官李運騰問，所有出席者都知道 X 當時錄音？X 稱，「我就唔知道係咪大家都知道，我就咁擺（錄音筆）喺袋到。」被告、旁聽聞言大笑。法官陳仲衡再問，即不是放在檯面？X 確認。
李運騰追問，X 所指「公開進行錄音」，是指無試圖隱瞞當時在錄音？X 稱，「我記得現場係無人提過唔畀錄音依樣嘢。」李再問，會上有沒有人知道 X 當時在錄音？X 稱，「我唔清楚。」陳仲衡問，X 有否告知其他人自己在錄音？X 稱「無」。
李運騰續問及，X 拍片時，出席者是否得知？X 答稱，「我又唔知佢哋知唔知，因為我全程都攞喺手到，有擺係檯面，之後都有周圍影嘅。」被告席的林卓廷一臉驚訝。
