Liz Truss當選保守黨黨魁,約翰遜聽日會向英女王請辭,女王會隨即任命Liz Truss 為繼任首相,任期聽日開始。 只可以講,歷史上得唔到MP支持嘅party leader 都冇好下場。保守黨嘅Iain Duncan Smith上任冇耐就畀黨內MP趕落台、工黨嘅Ed Miliband、Jeremy Corbyn大選都係輸咗。MP真係比黨員更清楚民意,得唔到MP支持,好多時都代表佢得唔到民心。得唔到民心而黯然下台嘅例子真係比比皆是。 嚟緊係觀察兩樣嘢去睇Truss上任後行咩方向: 1. Liz Truss 任命咩人入內閣。 如果Truss係識做嘅,就會將啲溫和保守黨人aka Jeremy Hunt / Tom Tugendhat / (or even) Rishi Sunak拉入閣。 如果佢真係升黨內強硬右翼嘅Nadine Dorris、Jacob Rees-Mogg;又或者畀Iain Duncan Smith入閣嘅話,噉就可以預計佢嘅內閣會大幅右傾。 記住,英國行內閣制,可以no-confi 佢嘅唔係黨員、而係MP。如果佢嘅內閣淨係得盟友,即係一堆政敵會喺backbench諗計推倒佢。噉計嘅話,liz truss 應該捱唔到兩年。 2. 佢推咩policy。 佢選黨魁嘅時候都吹到幾右吓,總之所有嘢嘅solution 都係減稅、甚至係推倒Boris Johnson 嘅環保policy、唔繼續BoJo 嘅levelling up。又,levelling up 其實先係BoJo最受歡迎政策+選民最關心嘅,唔係減稅。 當然,選嘅時候講咩,同選上之後做咩係兩回事。 佢要贏大選嘅話,要please嘅係大眾、唔係黨員。Liz Truss U-turn 都唔係第一次──由共和派LibDems變做保守黨、本身撐留歐又可以一個轉身黐埋強硬脫歐派。再U-turn 將今次黨魁選舉啲嘢扔走晒真係唔出奇。 LibDems 內部講笑話今次係LibDems距離執政最近嘅一次(Truss 以前係LibDems)。如果佢真係強推啲right wing 政策,又appoint一堆BoJo死忠同hardline right wing入閣嘅話,我唔客氣代LibDem㒰人多謝賜票啦,到時真係2010年以來最接近執政嘅一次。 祝各位南部blue wall MP保得住你哋個位啦lol。 543 views12:22