【義士來鴻】 因營救理大事件被還押的女義士阿蕉，正面對兩宗暴動審訊，仍不忘寄出家書，鼓勵香港人及感謝各人支持。 //To 星火同盟： 多謝各位早前寫信比我給予支持，你地嘅心意我都收到，感激你地對我嘅關注同關心，恕未能逐一回覆，請見諒！ 我仍然很掛念屋企同貓貓。雖然思念是最難受的，但亦不得不驚嘆文字嘅力量，無論本身認識我與否，你地嘅文字都比左同行嘅力量我，陪我捱過不少情緒翻覆的日子。 昨晚（４／６）從收音機聽到旺角同銅鑼灣嘅情況，令我確信「念念不忘 必有迴響」呢句說話。初進牆內早期，坦承我嘅信念意志的確崩潰，對香港嘅將來不抱有希望；但原來就算雙眼見唔到，咁多位係仍然仲係度。香港現時的確被高氣壓包圍，但我仍然覺得係有希望嘅，希望源於相信，我選擇相信香港人，「不要問只要信」地相信。可能咁講會覺得少年你太年輕了，覺得太天真，但有時就係需要多一份天真，對社會多一份理想，多一份抱負，多一份責任感，可能就係呢D野令我將自己置身依家嘅情況，但只可以話「思想他人難偷取」，勿被恐懼所輾壓。 祝 安康！ 阿蕉上 ５／６／２０２１// https://www.facebook.com/sparkalliancehk/photos/a.1989972677956521/3084818015138643/?type=3 1.7K viewsedited 05:23
