以下為手足投稿全文(來自昨天):
出呢個post最主要係想大家小心黨鐵呢啲變態佬同埋share下好人好事
事緣我晏晝出去見客，係長沙灣站上左往中環方向嘅車，一路用電話覆緊客msg，突然有個女仔拍我膊頭，細細聲同我講話坐佢隔離個呀叔偷拍我臀部（個呀叔一定早過我上車，姐係係荃灣方向過黎）。
跟住我質問佢，一開頭唔認，個女仔見義勇為幫口話睇住佢影我，條友先至認，個女仔叫佢快啲delete啲相，條友仲話自己咪del左囉，
我地叫佢開photo album睇，幾經辛苦終於叫佢開到Album + 垃圾桶，根本就未del哂，
del完之後仲用啲「你仲想點呀？」嘅Tone話自己咪del左，
我問佢「你偷拍完我之後肯del相係咪覺得自己好撚偉大？」，可惜我趕住見客，言語羞辱完佢一輪就屌走左佢。
真心好多謝呢個女仔見義勇為
無同你交換到contact係我嘅損失，希望somehow你會見到我呢個post，好人一生平安，感激不盡！
仲有另一位男士，非常多謝你幫我影低左相同嘗試留住佢，可惜我有公務在身，
但非常多謝你嘅好意！我亦都好後悔為左公事而無立即報警
而事後做完野，我有番去黨鐵站報案，結果啲香港警察黎到，
我講哂details比埋相佢地睇，都係一副「唔會搵到架啦」嘅樣咁，我有埋張相話可以提供比佢地，都話唔要，抄低啲特徵就算，仲要我有哂時、地、人啲資料，根本睇番黨鐵CCTV crosscheck番唔係一件咁難嘅事（不嬲睇CCTV認人最叻架啦，不過只限政治犯），仲要以家大把人都係用個人登記八達通或者連左自己信用卡for自動增值，又或者條垃圾可能有用綠卡，根本就無心查打定輸數
最後想講幾句，一定有啲撚樣又出黎話有人肯影你咪算好，
喂大佬，唔好老馮覺得靚女／索就預左比人影又或者肥妹就唔會有人非禮，尊重下女性係咪好困難？如果受害人係你家姐呀妹老母親戚或者自己女朋友老婆甚至個女，係咪仲可以咁樣講野？
希望無論係受害人定旁觀者，見到呢啲事都一定要企出黎，
因為放任呢啲人，等同默許佢嘅行為，
然後呢啲變態佬就會不斷犯案，甚至去一某日覺得偷拍已經滿足唔到自己嘅慾望，
就可能進一步有更變態嘅行為 如非禮甚至強姦。
要企出黎去發聲唔係一件容易嘅事，但當你自己都捍衛唔到自己/身邊人，
仲點樣去活出自己嘅人生？其實大家行出一少步，可能就足已阻止一單慘案發生。
多謝兩位證人願意站出黎！無言感激！
#長沙灣
#手足投稿
#安全注意
