2021-07-15 03:19:01
【回應】【助理保釋事件】
上年三月，有大批藍絲暴力衝擊我哋議員聯合辦事處，唔單止有藍絲使用木棍等等嘅武器襲擊我哋嘅同事。而且暴力破壞我哋嘅閉路電視鏡頭，閉路電視清晰影到兇徒行兇嘅過程。當時，警方唔單止冇控告衝擊我哋辦事處嘅藍絲，而且仲拘捕咗我哋兩個人。
第一位係潘書韻 (Miss Pun) ，第二位係阿喬（劉家衡秘書）。
佢哋兩位之後亦都喺報到及預約拘捕期間收到警方發出的起訴通知書。
時間返到 7 月 13 日，潘書韻並沒有出庭應訊，大家都知佢而家被法庭發出拘捕令。事件引起廣泛討論，雖然聯合辦事處已經解散，但係作為聯合辦事處的其中一位議員，我有責任向大家交代實情並澄清一啲事實同觀點。
首先，回應大家最關心嘅問題，阿喬上庭全程有律師跟進，但並不代表阿喬家屬的說法有誤，因為律師的確唔係由劉家衡安排，而係《本土新聞》介紹。警署相遇期間，劉家衡曾經詢問阿喬「搵咗律師未」，得悉已有律師負責，就冇另作支援。
另外，對於一個來自阿喬家屬的 facebook post ，我予以充分尊重，因為內文所表達出嚟嘅意思，完全符合喺嗰個時候，家屬所睇到嘅事實。只不過牽涉刑事案件中嘅刑事案件，可能未能向家屬交代清楚。
至於網上流傳通知潛逃嘅時間，潘書韻潛逃，劉家衡消失，由於並冇牽涉到我本人，我希望佢哋能夠自己出嚟交代。
最後，想回應各大討論區留言，我明白大家好嬲，因為無論喺家屬嘅角度，定係喺我嘅角度，我都認為潘書韻並冇做到同案被告或者議員太太合理嘅責任同安排。
而劉家衡嗰邊，我唯一可以回應嘅就係，我相信佢無意出賣任何抗爭者，何況嗰個係佢嘅秘書，由於佢都係接近最後一刻先同我交代佢辭職嘅想法，我唔能夠演繹太多，但如果要講，以下係我嘅猜測，只係猜測，我冇證據：「假設佢知道佢太太會潛逃，可以估計佢唔想畀太多人知，而且知道內情，有可能牽涉法律責任， 但同案被告亦都係佢嘅秘書，兩者之間，所以佢作出咗選擇。」
我冇後悔過同劉家衡合作開辦事處，佢亦都係一個正直嘅人，如果話佢刻意出賣手足，甚至係扮黃牟利 ，咁對佢絕對唔公平，我可以作證，佢擔任議員一職，的確作出咗好多嘅付出同貢獻。甚至乎喺民政署扣起發還辦事處開支之後，仍然自己墊支，支撐辦事處營運，呢一點我唔想否定。
往後係點只能夠交畀佢哋兩個自己出嚟澄清。
-長沙灣區議員李文浩
*一人少句，如果要我再講，我只可以話，如果唔係miss pun，家衡根本唔使搞到咁。次次闖禍，都係家衡幫手解決，做生意係咁，弱智單嘢又係咁。畀人指控又唔出嚟澄清，家衡唔係幫得你幾多次。#我知你會睇
*由辦事處開設至今, 並無發現，及沒有同事向我投訴，辦事處出現欺凌問題, 我樂意聽取各方闡述。 我並冇參與入任何欺凌事件之中。
https://m.facebook.com/story.php?story_fbid=2956764144594169&id=1520262148244383
sources: 長社力
---------------------我是分割線--------------
#並不代表本頻立場
#街坊自行斟酌
111 views00:19
清
