【呼籲杯葛香港立法會選舉聯署聲明】
由2019年反送中運動開始，港共再一次同我哋講和平手法係無用㗎。無數手足以血汗、甚至犧牲去捍衛民主自由，亦嘗試過用和平方法增加政治參與度、爭取民主實行真普選。但無論係區議會選舉，定係之後嘅35+，港共政權都係一次又一次用揦鮓手段去DQ有民意授權嘅代議士，肅清所有反對派。
一國兩制名存實亡，民主空間再進一步被壓縮。今年嘅立法會選舉唔單止無向民主方向發展，仲用各種手段阻止有違共產黨意思嘅人參選，或者喺無實質證據嘅情況下用國安法任意將佢哋拘禁，全面落實所謂「愛國者治港」，唔允許制度內再有任何異見，一黨獨裁指日可待。十二月嘅立法會選舉已經確確實實係一個「北韓式」選舉，由中國共產黨全權操控，任何參選與呢個選舉嘅候選人同參與投票嘅人都等同贊同呢個政權嘅做法。
所以有良知嘅人、仍然堅持𡁵嘅人都唔應該參與呢個偽選舉，一個唔能夠代表到香港人民意嘅選舉。即使喺香港發表言論會被港共監控，但絕對扼殺唔到我哋嘅思想。
喺呢度，我哋作為海外流亡組織呼籲同邀請香港人及其他組織加入聯署，全面杯葛抵制香港立法會選舉，對迂腐嘅選舉制度作出政治抵抗：不參選、不投票、不宣傳、不承認。
//聯署表格//
共同發起人：LIBERKONG｜港援 HKAID
參與名單（更新時間 2021/09/20）驛站 Athena's Army
英國港僑協會 Hongkongers in Britain
前區議員 尤漢邦 Yau Hon Pong
前區議員 張嘉莉 Clara Cheung
攬炒團隊 Hong Kong Liberty
Website | Instagram｜Facebook｜Twitter
