人道災難
榮仔最怕嘅事終於發生咗，今日嘅張竹君記者會中，提及到有一位興泰樓嘅獨居長者在隔離期間離世，當然同過去好多對政府不利嘅案件一樣，今次嘅個案都係無任何補充資料，相信如果再無人提及嘅話最後都只會係死因無可疑。
然而死因真係無可疑咩？雖然榮仔唔知呢位長者真正嘅死因，而社署都唔會再同榮仔報告呢個Case到底過去有無用緊佢哋嘅服務。但明顯呢位長者嘅死，政府係責無旁貸嘅。甚至嚴重啲講，引發今次人道災難嘅香港政府正正就係害死呢位長者嘅兇手。
喺過去大興嘅強檢之中，我哋見到嘅係政府完全無諗過要派飯，我哋都唔講長者好多時食嘅飯菜有特別要求（爛菜爛飯三低等），淨係講派飯嘅時效性就已經害死唔少人 。唔淨係派得慢咁簡單，而係講緊午飯去到下晝四點幾先派完，而晚飯則要等到凌晨一點先有得食，甚至不停都有派漏飯嘅情況發生。試問，你叫啲老人家點挨？問心，今次淨係死一個已經係萬幸。
而去到良景就更加過份，突擊圍封嘅第一晚無安排任何嘅糧食比街坊，甚至我哋向政府查詢嘅時候，有部門代表問榮仔「圍封咗咁多次，又放晒風咁，啲人唔知要準備糧食㗎咩？」坦白嚟言，政府嘅離地再一次癲覆榮仔對於世界嘅認知。而據榮仔收到嘅報告，昨晚有唔少街坊都謹以小食裹腹，甚至挨餓一整晚。而第二日朝早更加係我哋一班被政府收皮嘅前議員極力爭取之下先取得少量糧食。講緊一餐一家三口，可以淨係取得2個公仔面，或者獨居者只能取得一個茄汁魚罐頭加一個公仔面。試問居民嘅健康該如何去維持？而今日良景有消防到住戶家中破門，恐怕又會揭發另一場人道災爛引發嘅悲劇，甚至可能又搞出多一條人命。
我們謹此呼籲政府，及早解決人道危機，等被圍封者可以有尊嚴地生活；同時強烈要求政府公佈興泰樓死者的死因，為悲劇負責。
----------------------------
廣告時段：
晚飯團購第三彈 - 後街牛排
https://forms.gle/QjRDrD18vji7PquF8
龍門萬事屋，詳情可以致電/whatsapp 榮仔查詢。
祝各位街坊及香港人2022年平安。
-----------------------------
龍門關注組 社區主任 曾錦榮
Phone丨27771028
Whatsapp 丨 96890983
TG channel 丨 https://t.me/tkwoffice
Facebook丨龍門居民 曾錦榮
