其實台灣人、波蘭人、韓國人、捷克人係咪唔會再出嚟？ 文： 良善如你 台灣 1895年：台灣進入日治威權時期 台豬想一世喺大東亞共榮圈x19年 1945年：台灣重光（進入國民黨統治時期） 1947年：二二八事件（白色恐佈時期） 台灣人淆底、做晒台豬啦x32年 1979年：美麗島事件（抗爭領袖被捕） 台灣人淨係識搵抗爭代理x11年 1990年：野百合學運（推動民主化改革，沿用至今） 波蘭 1795年：波蘭三次被瓜分（波蘭亡國，被外國佔領） 波蘭冇救！有得走好走啦x26年 1921年：一戰後波蘭復國 1939年：二戰德軍開始入侵波蘭 波蘭人唔敢革命，有飯食就夠x5年 1944年：華沙起義（抵抗德軍入侵波蘭） 1944年：蘇聯掌管波蘭（進入波共威權時期，只能搞團結工會） 波蘭人淨係識低成本抗爭，罷工又罷唔成！x45年 1989年：蘇聯面臨解體，波蘭走向民主化 韓國 1960年：四·十九學運（建立短暫民主政權） 1961年：軍事政變（進入威權統治） 韓國人係咪唔會再出嚟？x19年 1980年：光州民主化運動（進入戒嚴時期） 韓國人係咪放棄咗？x7年 1987年：六月民主運動（推動民主化憲法，沿用至今） 捷克 1945年：捷克共產黨執政（進入威權時期） 捷克人冇膽反抗，成班捷克豬！x23年 1968年：布拉格之春（民主化運動，因蘇軍入侵而終結） 捷克人驚咗蘇軍，點解唔全民勇武x21年 1989年：天鵝絨革命 捷克人淨係識搞和理非活動，冇用x4年 1993年：捷克共和國成立（實現民主變革） 香港 2014年：雨傘革命 啲黃絲豬冇得救，有得走好走x2年 2016年：魚蛋革命 又DQ又暴動罪，有得走好走x3年 2019年：反送中（時代革命） 香港冇救啦，有得走好走！ 其實香港人係咪唔再出嚟？ 成班freerider食黃店當抗爭！ 抗爭咗咁耐一啲成果都冇！ 抗爭係講緊起碼幾十年，通常每隔十幾廿年先一次大型抗爭，而香港只係啱啱開始:)抗爭一定有高潮同低潮，中間冇畫面嘅日子唔代表人民放棄咗:o)有好多人搞緊文宣、旁聽寫信、社區連繫、文化、歷史、經濟、國際戰線，唔係樣樣都好似食黃店咁做完打張咭話你知 香港不嬲大把港豬藍絲，有人食元氣美心亦不足為奇，何必掛心:o)Freerider就全世界都有，你一日到黑屌佢係冇用，與其日日屌啲人冇做啲乜，不如幫手推下啲文宣同活動，問下自己有冇得做多啲，甚至做埋佢哋嗰份:) 唔好灰心！一齊加油！ 21.1K views09:00
