突發消息 翠竹及鵬程區議員尤漢邦辭任區議員 【辭任通知】 我已於今日正式辭任黃大仙區議員，未能達成選舉承諾，僅此向所有支持我的街坊致歉。能夠當選成為翠竹及鵬程區民意代表，乃我畢生榮幸，感謝大家勇於表態，亦都信任我去擔當區議員一職。 藉此要多謝一路上嘅伙伴，首先係由參選開始合作嘅團隊，包括我太太同幾位好友，感謝你哋對咁突然嘅參選決定無條件支持；感謝所有辦事處同事、街坊、義工，跌跌撞撞之中一齊服務社區；感謝議會同合作機構咁多位同事，創造咗非常值得回味嘅奮鬥日子；感謝各位前輩嘅教導，尤其是 許錦成主席，帶領我同 竹園北 鄭梓健喺竹園工作。 今日形勢嚴峻，敬告黃大仙街坊： 雖然只係服務咗短短一年半，斗膽講句，黃大仙區公共行政質素嘅提升，係有目共睹，希望今後大家都會因而認同，民主制度確實會改善我哋嘅生活。 香港已無自由空間，進退去留，任何決定都不容易，願退避嘅人不忘初心、受壓迫嘅人平安渡過。 最後要感謝 李嘉達 Kinda LI，於歷史時刻選擇背負無比重擔，希望大家持續關注在囚港人，主動尋找、照顧每位有需要嘅同路人。 ▼ 訂閱支持嘉達獄中生活開支 ▼ www.patreon.com/karlikatat https://m.facebook.com/story.php?story_fbid=575291783879174&id=112901450118212 282 views09:44
