【大搜捕後】劉頴匡一年四度被捕 自問已做盡 寄望明天：下一代會叻過我哋 //2021 年 1 月 6 日早上六時，劉頴匡在女朋友黃于喬（Emilia）家中被捕，被指涉嫌干犯《港區國安法》中的顛覆國家政權罪。警員帶走劉頴匡時，拒絕讓Emilia同𨋢，於是她穿著拖鞋跑下 10 層樓梯，為的就是拍一張照片，「淨係諗住快啲衝落去影到嗰張相，要人知道佢畀人拉咗！」 自 2019 年以來，這已是劉頴匡第四次被捕。七年前，他相信透過參政可以改變香港，卻因 2018 年參加立法會補選被DQ，一度覺得自己的政治生涯已經完結； 2019 年，反送中運動令原本覺得「已盡」的劉頴匡死灰復燃，當上遊行和集會的「入紙師」，終換來三次被捕和四項控罪，包括刑期最高達10年的暴動罪。 在民主派初選之後，劉頴匡再度沉寂下來，打算在入獄之前享受最後的自由時光。他沒想到自己還會再次被捕，而原因是他參與了初選——這次，他真的覺得自己已成砲灰了：「我哋呢批人，呢53個人可以做嘅嘢係做盡㗎喇，我哋做唔到啲咩㗎喇……」他不是抱怨或後悔，只是為自己做得不夠好而感到遺憾、可惜：「如果你用返 Baggio（梁頌恆）嘅講法，我哋宜家鋪緊磚，但鋪完就要跳海㗎嘛，咁咪跳囉！咁當然我最希望跳完，喺後面仲有人會繼續鋪埋呢條路，咁我咪覺得有意義。」 「我有個好強嘅感覺係：我哋嘅下一代會叻過我哋。」// 專訪全文：《獨立媒體》 990 views08:30
