節日的意義(新年放負) 對於在囚嘅手足嚟講，節日同平時根本冇分別，只係休息一天(同星期日一樣)，但完全冇節日嘅感覺，就算係長嘅公眾假期都只有一兩日休息，懲教只會補多少少人工俾你要你開工 唯一能令囚友期待節日嘅係加餸同禮物，新年同聖誕會有零食包(聖誕係教會捐)，而中秋節有月餅，不過上年懲教署以政治原因禁止教會送月餅俾囚友，話因為籌款整月餅嗰時宣傳字眼有黃藍意味，仲有邵家臻同G鋒分享宣傳⋯有囚友鬧G鋒多事，但我話唔關事，佢係過來人講兩句有咩問題，根本係處方問題 而家疫情關係，懲教署容許嘅探訪次數減少，我有啲識咗好幾年嘅戰友好耐都未探到(俾佢家人探先)，只能夠寫信俾佢哋，不過啲新年賀卡寄到去都應該過咗年，因為節日前太多人寫信俾囚犯懲教署處理唔切，節日前我每寫完一封又醒起仲要寫多封俾另一個手足，寫極都唔完，有封八號先寄出，令我諗起我同呢位手足五年前當日喺前線共同進退，當日之後只見過一次就失去聯絡，原來佢坐咗監，之後到我放監，佢又因反送中坐監⋯⋯ 年初一早餐炆齋 懲教署圖片 抗爭點滴 1.4K views10:50
