被捕人士收信部

2022-08-31 02:30:17 咁其實由沙咀調過去塘福，其實有好多程序上既野要搞，要預早一兩日將啲身家執好哂，因為一到走嗰日做埋快測，就會有囚車押解我哋過塘福，負責押解既懲教 都好巴閉架， 裝備 好全面,有電槍，防彈衣,唔講呢仲以為我地喺catA犯，要全副武裝戒備，但其實沙咀仔只係一班小朋友，懲教小事化大 ，escort嗰班懲教又惡死騰騰，當正我地仇人咁，但算，對佢哋一兩個鐘姐，忍一忍就過啦。臨離開沙咀,有個阿sir突然同我地farewell,講到我地係最後一班識 步操既沙咀仔，就話沙咀會摺埋，會有一段長時間喺塘福，唔會再返來，搞到場面好似好sad 咁，因為唔係全部沙咀阿sir都會被調派去塘福，有部份要留低做抗疫先鋒 ，為我國出一分力，成件事即刻變得好偉大。但而家就梗係全部調返哂過沙咀 。原來其實都係吹水。
過到塘福之後，一入大閘見到既第一樣野，就係一大班老鬼（成人囚犯）用好奇既目光望住我地 ，可能佢哋坐得太耐，見到𡃁仔呢啲嫩口野，覺得新奇la,咁我地都係你眼望我 咁，就行入指模房做返d例行程序，保安搜查踢身呢啲就基本野，見怪不怪，搞掂哂就過醫院擺柳，俗稱「驗尿」，然後見醫生 ，之後就落飯堂食我哋期待已久既紅豆妹 ，但因為第一日，同埋已經差唔多兩點，d紅豆妹已經所餘無幾，每個人淨係分得半碗妹，咁之後就大家乖乖哋聽阿sir指示坐低食妹，一將啖妹放入口裏面，心諗仆街喇 ，d紅豆妹又淡又稀 ，成pat水咁，淡而無味，受過沙咀，發現自己嘴刁添，但最後都格硬食咗去，亦都冇要求或投訴，好又一餐，唔好又一餐，可能下餐會更好呢 ，咁食晚餐前，我哋都係一直坐喺飯堂，悶都七彩，做咩都唔得，只係靜坐。
但喺電光火石之間，有個熟悉既身影行咗入來，氣勢不凡，全場鴉 無聲，我回眸一望，原來就係之前我喺post提及過既廉sir,之前既佢又叫我唱國歌又盛，心諗今次條數有排找，成個人即刻灰哂，但今次佢比我既見面禮，好彩只係抆耳仔，都鬆一口氣 ，冇話捉我去抓板（木尺feet腳板）。之後呢位大人物離開之後，d阿sir就綵排喺飯堂點樣維持返屬於沙咀文化既飯堂操，我心諗：「唉 ，來到塘福，仲要開新牌頭，搞少啲野，大家舒服啲la。」，排好哂位，recall拎 先，黃，藍，白牌博尾，嗰陣時每個人都好期待碟飯係咩樣 ，星期三係食 既，老鬼煮既飯係咪色香味俱全呢？定真係極之難食呢，一見真章，d飯好少，個汁極之稀，淡而無味，味同嚼蠟，失望 ，都知到出册後都係食呢d狗飯，睇來有排捱。
留返下篇講，請期待#3 。

hksun_1204 打开/如何

2022-08-30 08:15:06 為逸戰徵收中秋信

時光荏苒，轉眼已還押一年，其實上年嘅中秋正正就係逸戰被捕與家人分離嘅第一日，雖然呢一年每次探訪逸戰都話自己過得好好，但大家都知獄中的日子不容易，今年嘅中秋逸戰仍未能與家人團圓，我哋希望可以趁着中秋佳節，為逸戰徵收一些信件與祝福，亦祈求9月24號嘅判刑能順順利利，願逸戰能早日回家。

-

注意事項

信件要求
釘書釘、貼紙、絲帶、相片
塗改液／帶
含閃亮墨水的筆
賀卡／感謝卡／生日卡
立體、印有閃粉的信紙／卡
大於 A4 大小、過厚信紙
立體設計、有夾層的紙張／卡
敏感經歷
有關逃獄、暴力及色情的資訊／暗示
抗爭口號
政治敏感的題材

希望大家明白如果信件過於敏感，逸戰係唔會收到㗎 而且有可能被警告，所以大家如果想寄信比逸戰，就要留意信件規格同埋內容喇～最好就分享一啲日常嘅嘢，或者講下近排興嘅嘢，等佢同外界保持聯繫！逸戰就話佢想收到有以下幾個元素嘅信

畫嘅圖畫
歌詞
靚靚信紙（但同時要留意以上嘅信紙要求 ）

-

收信地址

請勿於信封寫收信人姓名，只須寫郵寄地址

東涌郵政局郵政信箱246號

溫馨提示：本地平郵信件（30克以下）嘅郵費已經加價為$2.2，記得痴足郵票啊～

再次提醒，請勿於信封寫收信人姓名，只須寫郵寄地址

或者可以寫完scan做pdf檔send email比我哋㗎 我哋會幫手印完寄俾佢～
wongyatchin0213@gmail.com

麻煩大家寄信比我哋嘅時候，請喺信封入面裝多個無寫嘢嘅空信封同埋郵票比我哋 大量寄信嘅話，郵費都會成為親友嘅負擔 望體諒

如果有任何地方唔明白，都可以inbox 問我哋㗎

-

Patreon：https://www.patreon.com/Wong_YatChin?fan_landing=true

王逸戰 打开/如何

2022-08-29 18:00:06 謙謙想9月頭生日，希望大家拎起枝筆寫封信同佢聲「生日快樂！」

如果諗唔到寫咩，可以就搵張你覺得好好笑嘅memes圖寫兩句，送份少少禮物比佢吖

佢成日都講好想收memes圖，但冇人寄比佢！

連登地獄memes圖系列都係好選擇

#三粒星
#saamlapsing

三粒星 打开/如何

2022-08-29 14:00:06 夏天到，赤柱工作坊用厠所水冲涼

回想自己冬天身在石壁，五月就過左界去赤柱，想知點解要留意我的日記，今次係回想起係赤柱時，小弟過了三日新人組之後，就去左車衣期。
赤柱係一座近一百年的舊式歐陸設計建築，倉房三層高，而工作坊就在對面的兩層高的大樓，有成幾萬呎一層，而我係屬2廠，而2廠地下分別有印刷期、口罩期及電腦房，而二樓就係車衣一，二，三期及儲存倉，由於大調動，車衣一期及三期已解散左，過界的過界，去期他期數的也走晒，只有二期約50人包括十多個ON 在內。
每日車衣期都係早上十點左右去球場，十一點左右就去冲涼大房冲身，但比較麻煩，大熱天氣行來行去，冲完又會出一身大汗，所以有大部份選擇在workshop 冲身，但workshop 係冇冲涼房，只有兩個厠所，可能由於係百年前的建築，冲厠也是用淡水的，所以囚友們都利用高水箱的厠格，張冲水位擰過來，咁水就不停流落來，再開返大明啲個水制便可，由於我係新人，負責洗厠所，每次大家冲完，我都要去拖乾個地下！石壁都有同樣情況，不過石壁厠所有水喉，可以直接冲涼，唔使用冲厠所嘅水來冲身！

#55巴 #55bar

55bar_300days_in_the_persion 打开/如何

2022-08-28 18:30:18 明天將會是判決的日子，事件發生接近三年終於有一個了結，百感交集不知道可以說什麼。

只能寄望身體能夠應付往後的壞情況，亦擔心自己家人的心理狀況，年事已高心血小。

作最壞的打算，最好的準備，多謝呢段時間支持過我照顧過我的人，麻煩左你地咁耐，希望各位都身體健康，遠離疾病，能夠做到自己想做的事。加油！我都會撐住。

希望大家繼續支持
https://www.patreon.com/join/Koalakoalas

koalasmarch 打开/如何

2022-08-27 16:35:26 告別前⋯

心意的味道！

「A手足 xx日出去，b手足xx日出去，c手足xx日出去⋯互留左聯絡方法，佢地出去前，我地一齊食散水餅，出去之後 我入面留低嘅 人工就請其他手足食野 ⋯」傑仔提及。

所謂散水餅，其實就係幾塊餅、魷魚絲，無大魚大肉，無精緻蛋糕，但係 已經係用獄中僅有人工買到最好嘅，物輕情意重嘅一餐，

係 心意嘅味道！！

kitjaihker 打开/如何

2022-08-26 03:15:06 [金毛豬admin]
大家好呀好耐冇見，其實一路都有去探富仔～不過由於我哋講啲嘢實在太無聊講出嚟都會悶親大家 例如係打機發現到有人用緊佢account，佢勁驚自己個Account俾人玩到衰咗嗰啲 所以都冇同大家講啦

近排又幫富仔報咗嚟緊9月學季既會計課程，佢話我上次報個啲好難，所以今次報左易啲嘅俾佢讀！有一科仲要有出面嘅會計行認證！要加油呀富仔！

又講到近排我食過嘅好嘢，佢流晒口水，話出返嚟要我請佢食晒講過嘅餐廳 想食窮我！

今日戴住新產品去探左富仔，佢話：嘩！終於到左！正！
有一兩盒已經出咗俾身邊家人朋友，富話多謝佢哋，同埋多謝嚟緊會買既大家！多謝大家仲會支持佢哋咁樣～

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

saamlapsing 打开/如何

2022-08-25 01:07:04 每次打風暴雨
總會見到好多story講到口臭提大家可能停止探訪
依方面都無需重複再重複
所以我又藉住今日打風
講下舊事同惡劣天氣下的院所安排

喺好耐以前
有一次入赤柱探朋友
（ 又係一個熟悉到唔想熟悉的地方，好想好好講下依個地方…有機會）

當日好早未到8點已經到左等候開始登記
點知…0815臨開始登記先黎掛黑雨….
等等到左平時開始登記的時間
有職員走出黎同我地成班坐係度等緊的親友講唔會開，叫我地等停黑雨或者唔等離開
咁大家都諗…落雨姐…總會停雨掛
所以得幾個人離開左

與此同時
我就問下身處荔枝角的朋友吹下水咩情況

以我所知道
荔枝角係比其他院所早開始登記
所以當日未掛黑雨前
荔枝角第一批人已經入左去等候探訪同入物資
我地都話頭輪班人好好彩
咁都趕得切入去
全香港得佢地探到
但事實係…後來得知
嗰班人被困入面無盡咁等
因為黑雨停探訪，老職就唔會去期數攞人
所以入左去都未有得探

咁之後
我地成班傻仔坐喺半室外的等候區等左成朝
到11點左右終於轉番黃雨/無任何暴雨警告
剩低就係職員的安排啦
（荔枝角已經迅速回復正常探訪）
職員走出黎話由於好多職員仲未返齊，所以唔夠人手開探訪程序
所以要大家繼續等
一直等等等到1145，赤柱終於開返探訪，嚇死我地成班等左一個朝早的人
當日幸運兒好似得廿個
因為仲有d人喺出面趕入黎赤柱
希望撞到探訪開返
而我都被朋友話咁大雨就咪鬼入黎探，仲要等左成朝

由於赤柱都屬偏遠的地方
得兩條山路入到黎
一大雨或者打風就會無車入或者容易塞車
所以如果有同樣情況想要趕入去真係靠彩數

同樣地
位於偏僻地區的院所
職員都係因應天氣情況而返工
所以佢地都一樣
係由外面趕入去返工或者附近宿舍去返工

提醒各位親友們
雖然掛緊八號風球無得探
但根據懲教指引

「若 8 號熱帶氣旋警告信號或黑色暴雨警告在探訪時間完結前除 下，如情況許可，探訪安排將會於兩小時內恢復」

假如9點落波
11點或之前都有機會恢復探訪
即係11-12點就可以趕去登記探訪

如果10點落波
首先要諗你自己趕唔趕得切
同埋要有無得探的心理準備
某部分院所1230先截止登記
都可以搏一搏趕入去

我明白亦都試過
為左每日15分鐘的探訪
就算咩天氣，無車都要飛的
都要趕去見一面
總之各位路上都要小心安全

*定罪身分同女監都係下午探
所以影響不大
*如果大嶼山或離島的院所都係因應懲教而決定會唔會恢復探訪！去之前除左睇下有無車/船去，都可以打去院所問一問

handwritingletters 打开/如何

2022-08-24 15:45:16 為牆內手足徵生日信
手足已經喺牆内度過第三個生日了
希望大家可以抽時間寫封生日信俾佢

手足興趣/喜好：
搞笑無厘頭嘅MEME
超級冷笑話
佛系減肥嘅方法（佢好想練大隻）
想學英文 大家知有咩書啱用可以推介下俾佢
。 最新手機GAME嘅資訊

有意寫信可以PM我地
或
寄信至旺角郵政局：郵政信箱79188

毋嗚 打开/如何

2022-08-23 09:54:06 良心犯！

自從19年反送中運動後，香港出現左好多 良心犯。

邪惡暴政狗官與幫兇 獰笑著 將一批批有良心 對暴政壓迫、血腥警暴、不公不義 感憤怒，而憤起反抗嘅人民定罪⋯⋯

傑仔獄中遇到某區議員：
當時區議員目睹到黑警毆打年青人，佢叫黑警唔好打，同講左句 垃x 圾，就被黑警衝去制服，再被暴政屈左入獄⋯

連一句說話、甚至良心嘅憤怒都容不下的暴政與黑警⋯⋯

暴政大力打壓人民 同時不斷洗刷 曾經19年運動嘅痕跡，意圖扮無事發生，意圖將它們血腥迫害人民嘅事實抹去，而迫害與侵蝕繼續高速進行⋯

暴政除咗想人民淡忘，仲想將人民變成失去良心 麻木，聽它們控制 待被它們屠宰 壓迫嘅非人生物⋯

當不存在就好了嗎？有良心嘅人 心都係會痛，

雖然辛苦，但唔好麻木，
唔好將暴政殘暴迫害視為「正常」，

雖然暴政打壓迫害有良心嘅人民，
但唔好失去叫 良心 嘅無價寶！

kitjaihker 打开/如何