'ညီညွှတ်မှုကို အရင်းတည် လွတ်မြောက် မှုဆီ အရောက်ချီ' ရန်ကုန်မြ | 💢 ZeeGwat🦉🦉💢
"ညီညွှတ်မှုကို အရင်းတည် လွတ်မြောက် မှုဆီ အရောက်ချီ" ရန်ကုန်မြို့၏ တစ်နေရာတွင် တော်လှန်ရေး ကျောင်းသားလူငယ်များမှ လူထုသပိတ်တစ်ရပ်ပြုလုပ် ။
ရန်ကုန် ၁၉ ၊ ဩဂုတ် ၂၀၂၂
အကြမ်းဖက်စစ်ကောင်စီ၏ ရန်ကုန်မြို့ လူစည်ကားရာနေရာတစ်ခုတွင် တော်လှန်ရေး ကျောင်းသားလူငယ်တစ်စုမှ "ညီညွှတ်ကိုအရင်းတည် စည်းလုံးမှုဆီအရောက်ချီ" ဟူသော ဘန်နာ စာသားနှင့်အတူ "ငါတို့တွေ ညီညွှတ်နေသမျှ ကာလပတ်လုံး မင်းတို့ ဖြိုခွဲလို့မရဘူး" ၊ "ငါတို့ရဲ့ တော်လှန်သွေးတွေ ဆူပွက်နေသမျှ ကာလပတ်လုံး မင်းတို့ကြောက်စိတ်တွေ တုန်နေစေရမယ်" ၊ "ပြည်သူနဲ့ဆန့်ကျင်ဘက်မှာ ဘယ်ကောင်နေရဲသလည်းဟေ့" ဟူသော မိန့်ခွန်စကားများ ပြည်သူလူထုအားနှင့်အတူ ဟစ်ကြွေးခဲ့ကြသည်။
ယနေ့လှုပ်ရှားမှုကို ပညာနန်းတော်ကိုယ်ပိုင်ကျောင်းကျောင်းသားများသမဂ္ဂ မှ ဦးဆောင်ကာ မဟာမိတ်မိတ်ဖက် အဖွဲ့အစည်းများဖြစ်သည့် ရေဘဝဲ (ပြည်သူ့အကျိုးပြုအဖွဲ့အစည်း)၊ ဗမာ့လူငယ်ကွန်ရက် ၊ အခြေခံပညာကျောင်းသားလူငယ်များအစည်းအရုံး(အကလ-ဗဟို) ၊ အခြေခံပညာကျောင်းသားများရေးရာအဖွဲ့ချုပ်
(အကရ) ၊ စမ်းချောင်းပင်မသပိတ်စစ်ကြောင်း၊ Labour Alliance အဖွဲ့ဝင် CTUM ၊ Owl Community၊ LGBT Community Yangon၊Yangon Democrative Youth Strike(YDYS) ၊ တော်လှန်သွေးမကုန် တောင်ဒဂုံသပိတ်အင်အားစုတို့မှ ပူးပေါင်းပါဝင်ကာ အောင်မြင်စွာ ဆင်နွှဲနိုင်ခဲ့ကြပြီး Youth Scout for Democracy (YSD) မှ Scout ပိုင်းတွင် ဂုဏ်ယူစွာဖြင့် ပါဝင်အားဖြည့်ပေးခဲ့ပါသည်။
#YSD