2022-05-04 15:27:11
မြောင်မြို့နယ်ရှိ PDF စခန်းတစ်ခုဝင်စီးခံရ
************************
မေ ၄ ၊ ၂၀၂၂ ။
စစ်ကိုင်းတိုင်းဒေသကြီး၊ မြောင်မြို့နယ်ရှိ ပြည်သူ့ကာကွယ်ရေးတပ် စခန်းတစ်ခုသည် အကြမ်းဖက်စစ်ကောင်စီတပ်၏ ဝင်ရောက်စီးနင်းခြင်း ခံလိုက်ရသည်ဟု ဒေသခံများထံမှ သိရသည်။
မြောင်မြို့နယ်၊ ပရိမ္မကျေးရွာ၊ အ.ထ.က ပရိမ္မ စာသင်ကျောင်းဝန်းအတွင်းရှိ PDF စခန်းတစ်ခုကို ယနေ့ မေ ၄ ရက် ၊ နံနက် ၆ နာရီအချိန်ခန့်တွင် အကြမ်းဖက်စစ်ကောင်စီတပ်က ဝင်ရောက်စီးနင်းခဲ့သည်ဟု စစ်ကောင်စီဝါဒဖြန့် သတင်းက ထုတ်ပြန်ထားသည်။
" စခန်းတစ်ခု အစီးခံလိုက်ရတာ ဟုတ်ပါတယ်။
သက်ဆိုင်ရာ အဖွဲ့တွေက ထုတ်ပြန်ပေးပါလိမ့်မယ်။ ဒီနေ့လည်း ထိတွေ့တိုက်ပွဲတွေဖြစ်ပါတယ် "ဟု PDF များနှင့်နီးစပ်သည့် မြောင်ပညာရေးအဖွဲ့မှ တာဝန်ရှိသူတစ်ဦးက သံလွင်ခက်ကို ပြောသည်။
အဆိုပါဖြစ်စဥ်အတွင်း PDF တချို့ကျဆုံးမှုရှိပြီး ဒရုန်း ၆ စင်း၊ ဒရုန်းလေယာဉ် ၁၀ စင်း၊ ဒရုန်းသင်္ဘော ၁ စင်း၊ အဝေးထိန်းစက်ခလုတ် ၃၂ ခု၊ လက်လုပ် သေနတ် ၁၃ လက်၊ လက်လုပ်စိန်ပြောင်း ၂ လက်၊ ကျည်မျိုးစုံ ၄၁၀ တောင့်၊ ကျည်ကာအင်္ကျီ ၄ ထည်၊ ပျောက်ကျားယူနီဖောင်းများ၊ လက်လုပ်မိုင်း ၅၂ လုံး၊ စနိုက်ဘာမှန်ပြောင်း ၁ ခု၊ ဗုံသီး ၁၀ လုံး၊ စကားပြောစက် ၆ လုံး၊ ကား ၂ စီး၊ ဆိုင်ကယ် ၁၆ စီးတို့ကို သိမ်းဆည်းရမိခဲ့သည်ဟု အကြမ်းဖက်စစ်ကောင်စီ ဝါဒဖြန့်သတင်းက ဖော်ပြထားသည်။
ထိုကိစ္စနှင့်ပတ်သက်၍ မြောင်မြို့နယ် ပြည်သူ့ကာကွယ်ရေးတပ်ဖွဲ့ထံဆက်သွယ်မေးမြန်ရာ ဆက်သွယ်၍ မရရှိသေးပေ။
သံလွင်ခက်
https://t.me/ZeeGwatnews
576 views12:27