【記香港理工大學保衛戰（上）】
繼中大保衛戰後，理工大學亦成為香港人嘅革命戰場。周同學於2019年11月8日逝世，觸發連日嘅「黎明行動」，目標就係要癱瘓全港，強制三罷。理工大學與紅磡海底隧道出口相鄰，順應住地理優勢，抗爭者自11月13日起利用理大作為據點，並喺紅隧出口堵路、焚燒收費亭。癱瘓紅隧亦意味癱瘓港九往來交通癱瘓，而最終整場理大戰役亦令紅隧停止運作接近兩星期。
為咗打擊理大連帶紅隧嘅據點，香港警察喺17日下午封鎖所有出口，圍堵理大，不准其他市民接近校園，並禁止所有身處校園内人士包括醫護人員離開，目的就係令抗爭者失去外界支援，意圖一網打盡。同時，警察已部署飛虎隊以狙擊槍瞄準理大校園。
同日晚上連登、telegram各頻道等號召九龍區開花，寄望反包圍行動可以迎救圍困手足。在外手足各盡其責，包括運送物資、開車堵路、義載接送、籌謀逃走路線，同時亦喺彌敦道、尖沙咀一帶同警察正面衝突，無非係為理大內嘅手足製造機會，等佢哋可以突破重圍。可惜事與願違，不論理大內嘅抗爭者，以及前去迎救嘅手足，突圍行動未竟全功。
18日凌晨，裝甲車不斷沿暢運道天橋向理大強攻，警察一度威脅如果抗爭者繼續反抗，將會使用實彈射擊；手足無懼恐嚇，以無數汽油彈反擊，甚至將裝甲車燒至報廢吊走。
被困理大嘅手足利用多種途徑逃離理大，抗爭者跑過暢運道、漆咸道南等高速公路離開；爬過重重鐵絲網經火車軌離開；伏於草叢、明渠等待時機登上私家車；於橋上游繩而下，再由電單車隊接走；甚至經污水渠爬數百米至其他地區離開。
是役共一千三百七十七位抗爭者被政權逮捕，三百一八位未成年抗爭者被記錄個人資料，正面臨香港政權清算。
===
【記香港理工大學保衛戰（下）】
https://t.me/hkmanual/317
===
【記香港理工大學保衛戰】全文
https://telegra.ph/hkmanual-polyu-02-18
===
請follow《香港革命指南》
@hkmanual
