2021-12-31 06:49:08
【西牛公告】
經過商業考慮後，西牛外送服務平台將會與中仔外賣平台合併，西牛獨立營運至2021年12月31號。由2022年1月1日開始將會由中仔外賣平台接手管理。經商議後，運作模式仍會保留，源用過往的合作模式，西柚繼續用舊有方式使用西牛服務，而付款方式有作變更，詳情請在使用服務時向cs查詢。
*而落單網站，各社交媒體平台，西牛聯絡電話，全部已交由中仔管理。過往客戶資料絕對保密，並已刪除。
—————————
—————————
Dear my 西柚s,
多謝你地呢兩年既支持同陪伴，一齊見證社會急速變化。由速弟到西牛，一路走來都唔容易。由最初用編號揀野食，到依家有個網站，多謝大家既信任，比我係二十幾歲既時候就已經二次創業。時代要我地極速長大，避唔到，遇怪魔我急於變大個。由合伙到獨立，經歷過既風波同人事變遷，絕對係好好的一課，好感激合作小店店長既鼓勵同教導，先可以運作到依家。有今日既成績，我已經好滿足了。
係最尾一日簡單做左一個數據整合，呢兩年疫情下，所有小店係我地平台加埋既收入超過150萬，而行路撚都籌到23萬。
而支出，與其話蝕左，倒不如話自己用10幾萬換左呢個成績，絕對係超值。本身係速弟已經用左5萬，都好糾結要唔要開西牛繼續落去，最後都係開始左，所以先出到「行路撚」呢個項目，絕對係一生難忘。
亦好感恩一班兄弟姊妹願意一齊砌左兩年，不離不棄，一齊笑，一齊嬲，一齊喊，一齊成長，有大家先有呢個成績，大家既努力實在功不可沒，有你有我。
呢兩年既西區外賣平台未必算係成功，
但絕對係一個里程。
條路仲有排行，先退下來了。
換個角色，我地路上再見。
祝願各位繼續健康平安，
新一年，讀多啲書，飲多啲水。
See you down the road.
西牛的管理員
57 views03:49
中
