【不如我哋行多一步用金錢支援手足!】 最近我哋都收到一啲熱心人士嘅message,希望捐錢畀我哋去支援更多有需要嘅手足。首先要多謝大家嘅好意,但我哋亦再次重申唔會接受任何形式嘅金錢捐助。反之,我哋希望大家可以行多一步,用金錢去支援更多有需要嘅手足,減輕佢哋及其親友沉重嘅負擔。 早前 @fung1seon3zi2 嘅post亦提及一名還押手足每月開支隨時達到$8,000,而當中並未包括如果要申請讀書嘅費用。$8,000對於一般家庭係一筆唔少嘅金額,特別部份還押/在囚手足係屋企嘅經濟支柱或者佢哋嘅家庭未必有豐富嘅資源,每月在囚/還押開支更加會為其親友帶來沉重經濟負擔,使佢哋感到無比壓力及傍偟。 其實我哋不時都發現有大眾會樂意用金錢支援牆內手足,但又唔清楚有咩渠道去聯絡/幫助佢哋。有見及此,我哋會一連四個post介紹唔同手足嘅支援方式,而今個post將會為大家整合部份手足商店嘅資料。 可能大家會問點解要支持手足商店,其實現時大部份嘅候審手足同放學手足都面對緊搵唔到工嘅問題。 對候審手足而言,候審期間嘅保釋條件十分嚴厲,包括頻密嘅警署報到及宵禁令,令候審手足因條件限制而喺工作上遇到困難;而對放學手足而言,顧主可能因其案底同背景而唔聘請佢哋,使佢哋喺尋找工作上出現阻滯。因此,現時唔少手足亦會開設商店/網店,售賣不同類型嘅產品/服務,自力更生。 以下我哋會為大家整合部份手足商店嘅資料畀大家參考,希望大家可以支持佢哋,購物前不妨先考慮佢哋,幫輕其沉重嘅經濟負擔。 「飲食類」 @mirai___bakery(Mirai Bakery: 售賣曲奇餅、散水餅及其他節慶食品) @rizzyitalia(Rizzy Italia: 意大利 佳餚食材店) @ibake_sweetsnow(放學手足開嘅甜品鋪) @Mingbon_hk(明幫:售賣月餅、蝴蝶酥及醉酒) @momingsihk(無名士:售賣唔同食物及飲品,亦設有實體鋪,地址為油麻地砵蘭街26號仁俊大廈1號地鋪) @whetstonehk_(砥礪:售賣唔同食物、飲品及雜貨,另設有網站:https://www.whetstonehk.com/) @19messhk(售賣生日蛋糕、散水餅、部分節慶食物) @dudiduda_hkg(Dudiduda: 售賣月餅) 「手作精品及服飾類」 @los.sewcrafter_hk(S.destroyer: 客製改鞋系統,但現時會減少訂單,請留意) @chit_ma_handcraft(以售賣手作支撐牆內嘅兒子) @sliceindustrialhk(Slice industrial: 售賣香港製造嘅衫、電話殼、袋、帽,另設有Patreon: https://www.patreon.com/sliceindustrialhk) @blacklist.852(Blacklist: 服裝品牌) @chik_diary_hk(藉繡心事:售賣唔同類型嘅刺繡精品,另設有Patreon: https://www.patreon.com/chiksaudiary) @72lightup(以售賣香薰蠟燭及擴香石為主嘅藝術與手工藝品店,另設有FB Page: 72LightUp) 「水晶類」 @itssohardtobeaperson(幽 謐:售賣陶器及水晶,另有page分享唔同電影:@iamfilmaddict) @afterschoolcrystal(After School Crystal: 售賣天然水晶,另設有tg聯絡@afterschoolcrystal) 「其他類別」 @tgt.logistics.hk(同行搬屋有限公司:搬屋公司) @fish_tattoo.hk(Fish Tattoo: 視覺藝術系紋身) @Yellow_cat_fixed(黃貓維修部:工程及維修) @little_bb_store(B仔雜貨:由放學手足開設嘅店舖,售賣還押以及在囚物資) @1released(一釋尚存:售賣唔同手足產品,另設有Patreon: https://www.patreon.com/1released) @filming_net(菲林明。相機鋪:店主呼籲大家可以Follow佢兩個account : @filming_net 及 @filming_road,亦都可以參與店主舉辦嘅影相工作坊,甚至邀請佢做攝影師,另設Payme捐款,歡迎聯絡店主了解詳情) @yanlegobrother(售賣Lego產品,另設有FB: www.facebook.com/groups/yanlegobrother) (以上商店資訊Credit: 手joke Telegram channel) 就以上所有商店資訊,我哋已經得到各商店嘅批准先列出。如果有任何疑問及意見,歡迎聯絡我哋,而我哋唔會回覆任何留言。另外,若果有店鋪希望加名,亦歡迎隨時聯絡我哋。 希望每人都可以行多一步去支援有需要嘅手足。 P.S. 由於ig設有tag嘅數目上限,所以最後一版嘅商店未能顯示,我哋會喺story補tag。 --------------------- 稜·支援 Facebook | https://bit.ly/3yAcGSq Instagram | @link__support https://bit.ly/38v0fN8 Telegram l https://t.me/hklinksupport Telegram Channel | https://t.me/LinkSupportHK #囚權 #稜支援 191 views13:50