【希望在於人民 改變始於抗爭】 上個禮拜24號中共外交部發表咗「美國干預香港事務、支持反中亂港勢力事實清單」^，好詳盡咁幫香港人了解到其實美國唔係一直All talk no action。 七年前，中共通過八三一決定，嘗試將魔爪伸向香港，香港人出嚟反抗，雨傘革命隨即爆發。呢幾年香港革命進程不斷發展同升級，香港民族變得團結，我哋嘅戰場亦由本地擴展至國際。我哋並唔需要靠曾國衞所講嘅外部勢力代理人，因為喺海外嘅手足就係我哋嘅「外國勢力」。 中共強推國安法，某程度亦令我哋反思同改變我哋嘅抗爭模式，唔再局限喺街頭上。雖然我哋依家被逼離開自己嘅家，但反而將我哋嘅革命推向另一個層次，唔再停留喺遊行示威或者火魔呢啲相對唔平等嘅武力層面。所以無論身處何地、勇武定和理非，所有香港人都必須喺自己新嘅崗位繼續奮鬥，一齊為煲底相見之日做好準備。 ^資料來源 Website | Instagram | Telegram公海 | Twitter | LIHKG 382 views15:27
