【新入境條例後有人喺機艙門外被捕】 《入境條例》修訂草案通過後正式實施，入境處會預先獲得抵港客機嘅乘客名單。我哋有情報得知條例實施後，政權執法部門喺香港機場登機橋同機艙門連接嘅操作台位置拘捕一名由芬蘭赫爾辛基機場飛抵香港嘅人。 我哋暫時無法得知被捕人身份同被捕嘅罪名，呼籲如果你有朋友或者家人原定乘搭香港時間8月4日1718抵達嘅AY99航班，又同佢失去聯絡嘅話就應該盡快聯絡律師同埋前往警署了解自己嘅家人朋友係咪正被拘留。 希望大家留意喺入境條例擴張權限之後就算你轉機都會面臨等同入境一樣嘅被捕風險，日後不論旅遊或工作行程都應該避免經過香港、中國同埋與中國政權友好嘅所有國家。 我哋之前曾經就係一位手足由台灣回港後被捕，而出過post呼籲： https://t.me/hkaiduk/230 除非已抱有會被捕嘅心態同準備，否則切勿決定回港，更加唔好抱有僥倖心態。唔好以為自己會冇事，政治清算其實從未停止。 逗留身份方面可以嘗試尋求當地組織協助，或者考慮去其他地方，返香港絕對唔係首選。 如果真係覺得心情好唔妥，唔好收埋自己。試吓多啲搵人傾，其實仲有好多同路人一齊面對緊。 如果喺英國維持生活上有困難，不論你有冇合法身份定簽證，港援都可以合法地就維持生活需要提供協助。 如果你都係堅持返香港，我哋會尊重你嘅決定。強烈建議係起程前準備定尋求法律支援嘅電話，並且將身份證上個人資料Schedule發送俾信得過嘅人，安全抵達返埋屋企先好取消傳送。 延伸閱讀 //香港立法會周三（4月28日）以39票贊成、2票反對通過《入境條例》修訂草案，此次修例賦權入境處處長，「指示某運輸工具可或不可運載某乘客」，預料條例在8月1日開始實施。 香港保安局強調，是次修訂是針對難民（又稱免遣返聲請者）問題，希望從源頭減少非法入境者，立法目的是希望推行「預報乘客資料系統」，「要求來港而非離港的航機提供乘客資料」，強調香港居民出入境自由受法例保障。// 取自：https://www.bbc.com/zhongwen/trad/chinese-news-56898990.amp 4.7K viewsedited 15:00
