【通訊事務管理局突發踩場 就職工盟《理大圍城》放映會作出疑似警告】
今日下午約五時，電影、報刊及物品管理辦事處好大陣仗，派出六名職員，上嚟職工盟辦事處，要求我地交代嚟緊「理大圍城」嘅放映場次及負責人資料。
佢地聲稱有權派人落嚟放映會現場，監察我地有無出示放映許可證及檢查參加者身份證。
原來政府有呢個權力，以往唔見佢地有行使，《大公報》出完頭版同Ben周出言恐嚇，就嗱嗱聲要招呼我地，認真俾足面。
由於事出突然，我地同合辦工會溝通後，佢地表示要多啲時間先了解有關部門嘅權力規定，所以今晚原訂放映會延期舉行。
我地重申，坐定定戲照睇，唔會縮，同香港人一齊，風雨中抱緊自由。
#歡迎黎睇優先場 #想睇出聲阿麻 #係咪先 #歡迎各政府部門包場
